‘Haje Gushya,’ Indirimbo nshya ya Riderman yageneye Abanyabirori

Umuraperi Gatsinzi Emery ukunzwe mu Rwanda kw’izina rya Riderman yasohoye indirimbo nshya yise ‘Haje gushya’ avuga ko ari iyo gushimisha abafana bitewe n’uko ibyinitse.

Riderman wari uherutse gushyira hanze indirimbo ’Ijoro ryiza’ yakoranye na King James yatangarije Genesisbizz impamvu yongeye gukora indirimbo ibyinitse mu gihe yari amaze igihe akora indirimbo ziganjemo ubutumwa butuje, akaba yibutse ko abanyabirori nabo yakongera akabakorera indirimbo ituma banezerwa nka mbere.

Ati "Kuva kera murabizi ko nkunda gukora indirimbo zituma abafana banjye bishima bakabyina bakimarayo, gusa bitewe n’ibihe turimo bitoroshye bya COVID-19 yatumye abanyarwanda batakibasha guhurira ahantu hamwe nko mu bitaramo ngo basabane babyine nahisemo kubakorera indirimbo haje gushya ku buryo naho baba bari mu rugo bicaye baganira bayumva bakagira akanyamuneza."

Indirimbo Haje gushya iri kuri Alubumu ya 8 ya Riderman yise ’Kimirantare’ yagombaga kumurikira Abanyarwanda ku itariki ya 25 Ukuboza 2019 ariko bikaza gusubikwa kubera icyorezo cya Coronavirus.

Yakozwe mu buryo bw’amajwi na Yannick Myk naho amashusho atunganywa na Eazy Cuts.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO