Hamenyekanye akayabo Ukraine isohora mu ntambara ihanganyemo n’Uburusiya

Igihugu cya Ukraine cyamaze gutangaza ko bitewe n’ibibazo gifitanye n’Uburusiya kuri ubu iki gihugu cyamaze gutangaza ko nibura gisohora arenga miliyari $10 buri kwezi yo gukomeza kwirwanaho no guhangana n’Uburusiya.

Itangazo ryashyizwe hanze n’ibiro bya Perezida wa Ukraine bwana Volodmyr Zelensky ryatangaje ko iyo mibare yavuye muri Minisiteri y’imari n’igenamigambi ndetse Ukraine ivuga ko ayo mafaranga aturuka mu misoro y’imbere mu gihugu no mu baterankunga mpuzamahanga.

Kuwa 24 Gashyantare 2022 nibwo Uburusiya bwashoje intambara mu buryo bweruye kuri Ukraine aho Uburusiya bwo bwemeza ko bugamije kubuza iki gihugu gukorera itsembabwoko abaturage bavuga ururimi rw’ikirusiya bari ku butaka bwa Ukraine.

Uburusiya kandi buvuga ko bugamije gukuraho ubutegetsi buyoboye Ukraine kuko ngo buhembera urwango rushingiye ku kwibasira abaturage bose bavuga ikirusiya ibyo ngo bikajyana no gukomeza guha ikaze ibihugu byo mu burengerazuba bw’isi aho Uburusiya buvuga ko uwo mubano ugamije kubangamira umutekano w’iki gihugu.

Kuri ubu hakomeje kwibazwa ku maherezo y’iyi ntambara dore ko imaze kugira ingaruka zihambaye mu bijyanye n’ubukungu ndetse izi ngaruka zimaze kwibasira buri gihugu cyose aho izamuka ry’ibiciro ku isoko rikomeje kuba ikibazo ndetse benshi bakemeza ko birimo guterwa n’iyi ntambara iri hagati y’ibihugu byombi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO