Haravugwa agatotsi mu rukundo rwa Social Mula n’umugore we kuburyo bishoboka cyane ko bamaze gutandukana

Umuhanzi Social Mula wamenyekanye mu ndirimbo zitandukanye nka "Abanyakigali" n’izindi biravugwa ko ashobora kuba yamaze gutandukana burundu n’umugore we.

Social Mula bikomeje kuvugwa ko ashobora kuba atakibana n’umugore we babyaranye abana babiri.

Usuye urukuta rwe rwa Instagram, Nta hantu ubona ifoto ye ya hafi ari kumwe n’umugore we.

Ifoto ya hafi uyu muhanzi aheruka gushyira hanze ku rukuta rwe rwa Instagram ari kumwe n’umuryango we, ni mu byumweru 27 bishize ubwo yifurizaga umuhungu we isabukuru nziza y’imyaka ine.

Ifoto iheruka ari kumwe n’umugore we, ni mu byumweru 34 ubwo yayishyize ku rukuta rwe rwa Instagram aho akurikirwa n’abantu 292,000 akayiherekeza amagambo agira ati " Njye na Maman w’abana banjye."

Amakuru aturuka ku bantu babana bya hafi na Social Mula avuga ko ashobora kuba yaratandukanye n’umugore we mu mwaka ushize wa 2021 ariko bakabigira ibanga cyane bakirinda kubishyira mu itangazamakuru.

Ayo makuru akomeza avuga ko Social Mula yimutse Kicukiro aho yari asanzwe atuye we n’umugore we akajya kuba Ruyenzi mu gihe umugore we asigaye yibana.

Social Mula kugeza ubu ntacyo aratangaza ku gutandukana n’umugore we gusa yijeje abantu ko igihe kizababwira ukuri.

Mu kiganiro na Igihe yagize ati " Ubwo ni ubuzima bwite bwacu, igihari nzi ni uko ari umugore wambyariye abana kandi mwubaha. Ibindi kubishyira mu itangazamakuru ntabwo ari ngombwa wenda igihe kizababwira ukuri kwa nyako kandi kurahari.”

Umuryango wa Social Mula.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO