Haravugwa inkuru benshi batamenye ku munyamakuru Yago

Kuri ubu haravugwa inkuru itunguranye aho umunyamakuru Nyarwaya Innocent wamamaye ku izina rya Yago ko yamaze kwinjira mu muziki ndetse akaba yiteguye gushyira hanze umuzingo we wa mbere nubwo atigeze atangaza iyi nkuru mbere.

Ubusanzwe uyu munyamakuru Yago amenyerewe cyane mu biganiro bishingiye cyane ku myidagaduro akorera ku muyoboro we wa You Tube gusa yagiye akora umuziki bucece kandi mu ibanga rikomeye kugeza aho yateguje umuzingo mu minsi ya vuba.

Ubwo umwe mu bantu ba hafi ba Yago yatangaga aya makuru mu itangazamakuru yagize ati: “Abantu bazi Yago, barabizi ko yari afite n’indirimbo nyinshi ndetse hari n’iyo yakoreye Amalon yitwa Tequila.”

Kuri ubu yago asigaye akorana n’undi munyamakuru ku muyoboro we wa You Tube bafatanya gukora ibiganiro bakunze kugirana n’abahanzi cyane ndetse n’abandi batandukanye babarizwa mu ruganda rw’imyidagaduro.

Hari amakuru avuga ko indirimbo nyinshi z’umunyamakuru Yago zatunganyijwe na Producer Element kuri ubu ufatwa nk’umwe mu bagezweho mu gutunganyiriza abahanzi indirimbo zitandukanye.

Hashize iminsi Yago akunda gusubiramo indirimbo z’abandi bahanzi batandukanye ndetse ni kenshi abwirwa ko azi kuririmba neza bakanamushishikariza gukora umuziki kuko benshi bamuhamiriza ko yavamo umuhanzi mwiza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO