Hari ikipe yabengutswe Cristiano Ronaldo aho yifuza kumuhemba amafaranga n’andi y’ubusa kugirango ayerekezemo

Nyuma yo gutandukana n’ikipe ya Manchester United kizigenza Cristiano Ronaldo arimo kwifuzwa n’ikipe yo mu gihugu cya Saudi Arabia yitwa Ah Hilal ndetse kugeza ubu irifuza guhemba amafaranga y’umurengera uyu mugabo w’imyaka 37 y’amavuko kugirango abashe kwerekezamo.

Cristiano Ronaldo mu cyumweru gishize nibwo yumvikanye n’ikipe ya Manchester United maze basesa amasezerano dore ko impande zombi zari zitameranye neza aho ibi byatumye aba bombi batumvikana maze birangira abatandukanye.

Nyuma yo gutandukana hagati y’impande zombi hatangiye kuvugwa amakipe anyuranye yatangiye kwifuza uyu mukinnyi ndetse bivugwa ko ashobora gusubira mu ikipe ya Real Madrid cyangwa akerekeza muri Chelsea cyangwa n’ahandi.

Gusa ku munsi w’ejo ibitangazamakuru bitandukanye byatangiye kwandika amakuru anyuranye avuga ko hari ikipe yo muri Saudi arabia yitwa Al Hilal yifuza uyu mukinnyi Cristiano Ronaldo aho bifuza kumuhemba nibura agera kuri Miliyoni 1.900 by’Ama Pound.

Kugeza ubu nyiri ubwite ntacyo yari yatangaza kuri aya makuru icyakora ari kumwe n’ikipe y’igihugu ya Portugal aho barimo gukina imikino y’igikombe cy’Isi ndetse yatangiye atsinda mu mukino we wa Mbere ubwo batsindaga Ghana ibitego 3-2 uyu mugabo Cristiano Ronaldo yabashije kubona igitego muri uyu mukino.

Ronaldo arimo kwifuzwa bikomeye n’ikipe ya Al Hilal kugirango abe yayerekezamo ndetse yashyiriweho amafaranga y’umurengera.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.