Harmonize yatandukanye na Briana ukomoka muri Australia nyuma y’igihe gito bari bamaze mu rukundo

Harmonize ni umwe mu bahanzi bakunzwe cyane mu gihugu cya Tanzaniya no muri Afurika y’Uburasirazuba muri rusange,kuri ubu uyu muhanzi yamaze gutangaza ko bidasubirwaho yatandukanye n’umukunzi we Briana ukomoka mu gihugu cya Australia.

Ikintu gikomeje gutangaza abantu ni ukuntu Harmonize n’umukunzi we bapfuye akantu gato kuko ngo bapfuye ko bananiwe kumvikana ku gihugu bagombaga guturamo nyuma yo kubana ndetse Harmonize yahise atangaza ko akumbuye umukunzi we wa mbere Kajala bahoze bakundana.

Inkuru dukesha K24 Digital ivuga ko umuhanzi Rajab Abdul Kahar uzwi nka Harmonize yamaze gutangaza iyi nkuru yifashishije imbuga nkoranyambaga ze ndetse uyu muhanzi akomeje kwandika amagambo menshi yinginga uwahoze ari umukunzi we wa mbere Frida Kajala ngo amugarukire.

Gusa Briana uwari umukunzi wa Harmonize yifurije amahirwe n’imigisha Harmonize mu buzima bwe buri imbere.

Gusa biravugwa ko uyu Briana yananiwe kumvikana na Harmonize ibijyanye n’aho bashobora gutura bituma aba bombi bashyira iherezo ku mubano wabo utari umaze igihe kirekire.

Harmonize yashyize amagambo akomeye agaragaza ko akumbuye umukunzi we wa mbere aho yagize ati’’Mana ngarurira umuryango wanjye,nibyo ushobora kumbona nseka gusa nyizera ni ukuri ntabwo nishimye, buri wese mu itsinda ryanjye arabizi ko ntishimye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO