Harry Maguire akomeje kuba umuti w’amenyo nyuma yo kongera kuvugirizwa induru n’abafana

Umukinnyi Harry Maguire akomeje kutoroherwa n’abafana ba Manchester United dore ko uyu mugabo yongeye kuvugirizwa induru ku buryo bukomeye mu mukino Manchester United yakinnyemo n’ikipe ya Crystal Palace.

Magingo aya Harry Maguire abenshi batekerezaga ko atazakomeza kuba Kapiteni wa Manchester United nyamara umutoza Erik Ten Hag yakomeje guha izi nshingano uyu mugabo w’imyaka 29 y’amavuko ndetse uheruka no gukora ubukwe bw’akataraboneka mu minsi ishize.

Birashoboka cyane ko Harry Maguire azakomeza kuba umuyobozi wa Manchester United w’abakinnyi ndetse agomba gufatanya mu bwugarizi n’umukinnyi Lisandro Martinez myugariro mushya waguzwe mu ikipe ya Ajax mu Buhorandi.

Ku kibuga cya Melbourne abafana ba Manchester United bagaragaje uko biyumva maze batangira gukomera bikomeye umukinnyi Maguire buri uko yabaga afashe umupira.

Ibi byabaye mu mukino ikipe ya Manchester United yakinaga n’ikipe ya Crystal Palace itozwa na Patric Viera wahoze ari Kapiteni w’ikipe ya Arsenal.

Ubusanzwe ikipe ya Manchester United irakunzwe cyane mu gihugu cya Australia kuko niho uyu mukino waberaga gusa iyi kipe yaherekejwe n’abafana mbarwa baturutse mu gihugu cy’Ubwongereza.

Magingo aya Harry Maguire haribazwa niba azakomeza kuba kapiteni wa Manchester United dore ko mu minsi yashize hari abafana bamuteye ubwoba bakamubwira ko iwe mu rugo hateze igisasu.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO