Haruna Niyonzima yifurijwe isabukuru nziza y’amavuko na CAF

Ishyirahamwe ry’umupira w’amaguru ku mugabane w’Afurika CAF, ryifurije isabukuru nziza, kapiteni w’ikipe y’igihugu y’u Rwanda Amavubi, Haruna Niyonzima, wagize isabukuru uyu munsi.

Uyu munsi ku wa 5 Gashyantare nibwo uyu mugabio usanzwe ari kapiteni w’ Amavubi ndetse n’ikipe ya Yanga Africans yo mu gihugu cya Tanzania, yagize isabukuru y’amavuko. Mu bagiye bayimwifuriza harimo n’ishyirahamwe ry’umupira w’amaguru ku mugabane w’Afurika CAF.

Umwaka ushize, Haruna yavuye muri Tanzania, amaze kwegukana igikombe cya gatanu cya shampiyona ya Tanzaniya yikurikiranya. Ni we mukinnyi wa mbere wabigezeho muri Tanzaniya, aho yabigezeho umwaka ushize wa 2019.

Haruna ni kapiteni w’ikipe y’igihugu y’u Rwanda Amavubi.

Bitatu bibanza yabitwaranye na Young Africans. Ashyiraho n’icy’umwaka wa 2018 wa shampiyona hamwe n’icya 22019 bari kurangiza muri Tanzaniya, byombi yatwaye ari kumwe na Simba SC.

Gusa nubwo yageze kuri ibi, nta bikombe yatwaranye n’ikipe y’igihugu Amavubi kuva yatangira kuyikinamo mu mwaka wa 2007.

Haruna Niyonzima yatwaranye ibikombe bitatu na Simba Sports Club
Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO