Haseka neza usetse nyuma kuri ubu ni ishema ku Rwanda nyuma y’aho Mugisha Moise yegukanye Tour du Cameroun

Kuri ubu ni ishema rikomeye nyuma y’aho Mugisha Moise ukinira Ikipe y’Igihugu ’Team Rwanda’ yegukaniye Tour du Cameroun 2022 yasorejwe mu Mujyi wa Yaoundé, kuri iki Cyumweru, tariki ya 12 Kamena 2022.

Mugisha Moise yegukanye Tour du Cameroun akoresheje igihe kingana n’amasaha 26h34’24’’ ku ntera y’ibilometero 1066.2.

Uyu musore kandi yakurikiwe na Andreev Yordan wa Team Martigues SC yarushije amasegonda 32 n’Umunya-Cameroun, Artuce Jodele Tella ukinira SNH Vélo Club yasize ho amasegonda 33.

Mugisha Moise yafashe umwambaro w’umuhondo uhabwa uyoboye urutonde rusange nyuma y’Agace ka Karindwi kakiniwe mu mihanda ya Boumnyebel na Mbalmayo ku ntera y’ibilometero 112.6.

Ku rutonde rusange, Mugisha yahise afata umwanya wa mbere nyuma yo gukuramo ikinyuranyo cy’iminota itatu n’amasegonda 30 yarushwaga na Andreev Yordan, amusiga 32".

Ku munsi wa nyuma, Mugisha yakinnye aharanira ko ibihe byari hagati ye n’umukurikiye bitavamo akaba yamwambura umwambaro uhabwa uwa mbere. Yahiriwe no kubigeraho, asesekara i Yaoundé ari imbere mu bakoresheje ibihe bito mu minsi umunani isiganwa ryamaze.

Muri iri siganwa, u Rwanda rwongeye kwigaragaza nk’igihugu gifite ahazaza, rwasoje ku mwanya wa kane mu makipe umunani yaryitabiriye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO