Harabura iminsi mbarwa ngo hamenyekane 10 bazagera kuri Final mu irushanwa rya Heads’Up

Mu cyumweru gitaha nibwo hazatangazwa abanyempano icumi bazakomeza mu irushanwa ry’umuziki rya Head’s Up music Competion ritegurwa n’ikigo cya Genesis Broadcasting Network.

Taliki ya 24 na 25 Ukwakira 2020 nibwo abari basigayemo mu irushanwa bagera kuri 40 barushanijwe banyuze imbere y’abagize akanama nkemurampaka.

Nyuma yo guhatana bakomeje gutorwa kuri murandasi kuko nabyo biri mu bigomba guha amahirwe buri umwe kugirango abashe kurenga iri jonjora rizamuhesha kugera mu kiciro cya nyuma.

Biteganyijwe ko uburyo bwo kubatora buri gukorwa ubu buzasozwa taliki ya 22 Ugushyingo saa sita z’ijoro. Nyuma y’iminsi itatu kuya 25 Ugushyingo nibwo hazatangazwa urutonde rw’abanyempano “Icumi” bazaba bakomeje.

Kugeza ubu abahatanye bakabaye ari 40 ariko ni 39 kuko hari umwe wikuye mu irushanwa bivuze ko hazavamo 29.

Abo icumi bazaba barasigayemo bazarushanwa nanone taliki ya 28 Ugushyingo ariko icyo gihe ntabwo hazatangazwa abakomeje kuko bazabanza bakajya no muri Studio buri umwe agakorerwa indirimbo bakagira nimwe bahuriramo bose.

Nyuma yo gukorerwa izo ndirimbo biteganyijwe ko hazongera hakabaho ku rushanwa ari nabwo hazamenyekana uwatsinze kuri uwo munsi. Hagahembwa batatu bazaba babaye aba mbere.

Uzegukana iri rushanwa azahabwa amafaranga y’u Rwanda angana na Miliyoni imwe anakorerwe indirimbo esheshatu harimo ebyiri zifite amashusho.
Uzaba uwa kabiri we azahabwa ibihumbi 500frw naho uwa gatatu we ahabwe ibihumbi 300frw

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO