Hateguwe urugendo shuri ku mateka yaranze urugamba rwo kubohora igihugu

Ku nshuro ya kabiri hagiye kongera kubaho urugendo shuri ku mateka yaranze urugamba rwo kubohora igihugu aho kuri iyi nshuro bazajya no mu karere ka Musanze.

Ni nyuma yaho ku itari 7 Nyakanga 2021 aribwo iyi Tour yatangiye ihera Kagitumba aho urugamba rwatangiriye ku mugaragaro ari naho Late Maj General Fred Gisa RWIGEMA yarasiwe.

Izi ngendo shuri zivuga ku mateka yaranze urugamba rwo kubohora igihugu, ahanini ni umwanya urubyiruko rubona uhagije wo kumenya uko byari byifashe bitari muri urwo rugamba bitari ugusoma ibitabo gusa.

Mu kiganiro na Genesisbizz Muyoboke Alexis uri mu bari gutegura iki gikorwa yavuze ko urubyiruko ndetse na bamwe mu babaye muri uru rugamba, iyo bahuye bakaganira hari imyumvire urubyiruko ruba rufite ihinduka.

Yagize ati “Iki nicyo gihe ngo twereke abakiri bato uko urugambwa rwo kubohora u Rwanda rwagenze kuva ku munsi wa mbere kugeza urugamba rurangiye muri 1994.”

"Libération Tour ni urugendo shuri rutegurwa mu rwego rwo kurushaho kumenya amateka yaranze urugamba rwo kubohora igihugu cyacu. Uyu aba ari umwanya ku bantu bose bafite umutima wo gushaka kumenya uko byari byifashe ndetse n’abarutangiye imbaraga n’umutima bakoresheje aho babikuye".

Yavuze ko nta myaka bireba kumenya amateka yaranze urwo rugamba. Ko guhera ku mwana w’imyaka 10 yakwitabira urwo rugendo ko aribo rwanda rw’ejo bazaharanira ubusugire bw’igihugu. Bityo rero ko ari amateka aba agomba guhora yigwa.

Biteganyijwe ko uru rugendo ruzaba tariki 2 na 3 Ukwakira. Ku nshuro ya kabiri ahazasurwa ni Sites ya Gicumbi (Rukomo, Gatuna na kaniga) nyuma yahoo bazajya ku murindi w’Intwali, bazakomereze I Musanze kuri Gereza ya Ruhengeri, Nyamagumba, Nyamuremure, no mu Kinigi.

Kwitabira uru rugendo umuntu akaba asabwa kwishyura amafaranga y’u Rwanda ibihumbi 100 ndetse na 160 mu minsi ibiri.


Uru rugendo shuri rugiye kuba ku nshuro ya kabiri

Inkuru ya Nsanzabera Jean Paul

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO