Hawaii hagaragaye umuntu wa mbere ufite virusi ya Omicron

Hawaii yatangaje umuntu wa mbere wagaragayeho ubwandu bwa virusi nshya ya covid-19 yihinduranyije yahawe izina omicron. Ishami ryita ku buzima rya Hawaii rivuga ko uwasanzwemo iyi virusi akomoka ku kirwa cya O’ahu ndetse yasanzwemo iyi virusi nyuma yo kugaragaraho ibimenyetso bitandukanye kandi yari yarigeze kurwara icyorezo cya covid-19.

Ishami ryita ku buzima muri Hawaii ryatangaje ko iyi virusi bacyetse ko yageze aha ku wa mbere tariki 29 Ugushyingo 2021 nyuma yo gukora amasuzuma atandukanye yerekanaga ko iyi virusi ishobora kuba ari Omicron.

Iri shami ryita ku buzima ryaje kwemeza ko virusi ya Omicron yageze kuri iki kirwa kuwa kane dusoje tariki 2 Ukuboza 2021.

Amakuru yaturutse muri Hawaii yemeza ko habonetse virusi ya Omicron amenyekanye nyuma y’uko leta ya New York imaze gutangaza ko imaze kubarura abantu basaga bane bagaragaje ubwandu bwa virusi ya Omicron.

Leta zunze ubumwe za amerika zatangaje ko zabonye umurwayi wa mbere wagaragaje ibimenyetso bya virusi ya omicron ku wa gatatu tariki ya 1 Ukuboza 2021.

Uwagaragayeho iyi virusi nshya ya Covid-19 ni umuturage usanzwe uba i San Francisco wari uri mu rugendo avuye mu gihugu cya Afurika y’epfo.

Leta zunze ubumwe za Amerika guhera kuwa mbere w’iki cyumweru zashyizeho amabwiriza akumira ingendo mu bihugu umunani byo muri Afurika y’amajyepfo nyuma y’uko virusi ya Omicron igaragaye bwa mbere muri Afurika y’epfo mu rwego rwo kwirinda ko iyi virusi yagera muri Leta zunze ubumwe za Amerika.

Umujyanama wa perezida wa Leta zunze ubumwe za Amerika Joe Biden mu by’ubuzima, yatangarije ikinyamakuru cya ABC ko kuba virusi itera icyorezo cya covid-19 yari yaramaze kwihinduranya inshuro nyinshi, Kandi ikaba yarageze mu bihugu byinshi ko ntakabuza yaro no kuzagera muri Leta zunze ubumwe za Amerika.

Amakuru dukesha ishami ry’umuryango w’abibumbye ryita ku buzima (WHO/OMS) avuga ko guhera ku wa gatatu dusoje ibihugu 23 aribyo bimaze kugaragaramo icyorezo cya covid-19 yihinduranyije yitwa Omicron ku isi yose.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO