Heroes Fc iri mubiganiro n’umutoza w’umunya-Estonia utegerejwe I Kigali

Ikipe ya Heroes Fc ibarizwa mu kiciro cya mbere hano mu Rwanda, biravugwa ko ishobora kuba iri gusoza ibiganiro n’umutoza ukomoka muri Estonia witwa Jaanus Reitel aho bivugwa ko aragera mu Rwanda ku munsi w’ejo tariki 14 Mutarama 2020.

Amakuru agera kuri Genesisbizz arahamya ko Umunya-Estonia Jaanus Reitel yamaze kumvikana n’ikipe ya Heroes kuyitoza muri shampiyona, ndetse bakazanumvikana ku kijyanye n’amasezerano nyuma.

Jaanus Reitel w’imyaka 35, nta bunararibonye afite mu gutoza amakipe makuru, dore ko, naho yatozaga, yafashaga abana bo mu ikipe yitwa FC KTP yo muri Finland, aho yari yaravuye muri Amerika gutozayo.

Umunya-Estonia Jaanus Reitel utegerejwe i Kigali

Uyu mutoza kandi aherutse guhabwa impamyabumenyi y’ubutoza mu gihugu cya Finland, ari naho yabarizwaga. Bivugwa ko afite ubunararibonye bwo gutoza abakiri bato, ngo akaba ari nayo mpamvu Heroes isanzwe ikoresha abakinnyi bato bizayifasha muri shampiyolna.

90
Aherutse guhabwa impamyabumenyi y’ubutoza mu gihugu cya Finland

tariki 8 Ukuboza 20019, umunya-Sweden Stephen Johansson wari umutoza mukuru w’iyi kipe yo mu cyiciro cya mbere muri shampiyona y’u Rwanda, yeguye ku mirimo ye nyuma yo gutsindwa bikomeye na Rayon Sports ibitego 4-1 mu mukino w’umunsi wa 13, maze asiga iyi kipe ku mwanya wa nyuma n’amanota umunani mu mikino 13 icyo gihe.

Umunya-Sweden Stephen Johansson w’imyaka 62 y’amavuko, agisezera ikipe ya Heroes, yasiganwe n’abatoza bungirije, nabo batagize icyo bayifasha mu mikino yindi yakurikiye ya shampiyona.


Umunya-Sweden Stephen Johansson wari umutoza mukuru wa Heroes

Ikipe ya Heroes iri ku mwanya wa nyuma wa 16, n’amanota 11. Ku mukino uheruka wa shampiyona, ikaba yaratsinze Etincelles igitego 1-0 I Rubavu.


Ikipe ya KPT FC y’abana yo muri Finland, Reitel yatozaga

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO