Hoteli ya Danny Vumbi iri mu hantu hafatiwemo abarenze ku mabwiriza

Musanze Caves Hotel isanzwe iyoborwa n’Umuhanzi Danny Vumbi n’umugore we ikaba ari n’iyabo, iri mu hantu hafatiwemo abantu barenze ku mabwiriza yo kwirinda icyorezo cya COVID-19 mu Karere ka Musanze.

Aba bantu 33 berekanywe na Polisi y’u Rwanda ikorera muri kariya Karere ka Musanze kuri iki Cyumweru tariki 09 Gicurasi 2021.

Aba bantu bafatiwe muri resitora ndetse na Hoteli bahahinduye utubari kuko bahanyweraga inzoga ndetse hari n’abarengeje umubare w’abagomba kuba bahari.

Muhawenimana Jeannette usanzwe ari umugore wa Danny Vumbi, akaba ahagarariye Musanze Caves Hotel yafatiwemo bamwe muri abo bantu, yiyemerera ko bagize uburangare bwatumye bagwa muri ayo makosa.

Avuga ko bakiriye abantu batipimishije COVID-19. Ati “Ni uburangare twagize, bunadusigiye isomo rikomeye. Tugiye kwikosora mu buryo budasubirwaho, ndetse twitwararike amabwiriza yose areba urwego rw’amahoteli, cyane cyane muri ibi bihe turimo byo kwirinda icyorezo Covid-19.”

Iyi Hoteli ya Danny Vumbi n’umuryango we, ni na yo iherutse kuberamo igikorwa cyo gutungura umugore we wari wagize isabukuru y’amavuko ubwo Danny Vumbi yamutunguraga ari kumwe n’umuhanzi Bruce Melodie.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO