INDIA:Ibihano biragwira umugore wafashwe asambana n’undi mugabo yahawe igihano kidasanzwe

Mu gihugu cy’Ubuhinde haravugwa inkuru itangaje aho umugore yafashwe ari gusambana n’undi mugabo bikaza kuba ngombwa ko ategekwa gutwara umugabo we ku rutugu akamuzengurukana imihanda itandukanye yo muri iki gihugu nk’igihano cy’ibyo yari yakoze.

Aka gashya kabereye mu Mudugudu witwa Borpadaw ho mu gihugu cy’Ubuhinde kuwa 3 Nyakanga 2022.

Inkuru ikomeza ivuga ko nyiri ugukora amahano yo guca inyuma umugabo we ngo yaburiye irengero mu gihe kingana n’icyumweru cyose gusa umugabo we hamwe na sebukwe batangiye kumushakisha uruhindu hirya no hino bahangayitse.

Nyuma yo kumubura burundu umugabo we yatanze amatangazo hirya no hino muri ako gace aho yavugaga ko yabuze umugore we .

Nyuma uyu mugore yaje kuboneka abonywe n’umuturage aho yabwiye abayobozi ko uyu mugore yibanira n’undi mugabo bakundana.

Bivugwa ko uyu mugore utavuzwe amazina yakubiswe n’umugabo we,wamukuruye umusatsi kandi amukurura hasi nyuma yo kumenya ayo makuru.

Ibihano Kandi byakomeje kuba uruhuri kuko uyu mugore yategetswe gushyira ku rutugu umugabo we akamuzengurukana hirya no hino.

Uyu mugore yagaragaye mu mihanda yashyize umugabo we ku rutugu agenda mu ashagawe n’abaturage batandukanye.

Nk’uko amakuru abitangaza, ngo bivugwa ko uyu mugabo yakoze ibi kugira ngo asebye uyu mugore mu mudugudu wabo wose.

Kugeza ubu, abantu icyenda batawe muri yombi kubera iki gikorwa kigayitse ndetse umugore yoherejwe iwabo nyuma yo gukorerwa ubu bugome.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO