Ibijya gushya birashyuha noneho Mbappe yatangiye gutembera I Madrid

Umukinnyi Kylian Mbappe nyuma y’uko amakuru menshi akomeje kwemeza ko yifuzwa cyane na Real Madrid ubu noneho uyu musore yagaragaye I Madrid aho benshi bakomeje kuvuga ko yaba ari mu biganiro na Real Madrid.

Ibinyamakuru bitandukanye biravuga ko Mbappe agiye kuba ari mu mujyi wa Madrid mu gihe ikipe ye ya Paris Saint Germain iri mu kiruhuko gusa abenshi bakomeje kubihuza nuko ikipe ya Real Madrid ishobora kuba irimo kumwegera ngo abe yakwerekezayo.

Umukinnyi Mbappe yari kumwe na mugenzi we Hakim bombi bakinira ikipe ya Paris Saint Germain ndetse ngo bagaragaye cyane mu nzu y’uburiro(Restaurant)yitwa Paseo de la Castelana, ndetse ni mu kilometero 1 uvuye ku kibuga cya Real Madrid cyitwa Santiago Bernabeu.

Urugendo rw’uyu mukinnyi rwarushijeho kuzamura ibihuha dore ko magingo aya Mbappe ataratangaza akazoza ke niba agomba kuguma mu ikipe ya Paris Saint Germain cyangwa akayisohokamo dore ko asigaje amasezerano y’amezi abiri gusa.

Reba ibitego 10 bidasanzwe bimaze gutsindwa na Mbappe

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO