Ibikorwa byo gutoranya umukobwa uzahagararira U Rwanda muri Miss Earth 2021 byatangiye

U Rwanda ruri mu bikorwa byo gutoranya umukobwa uzaruhagararira mu marushanwa ya Miss Earth 2021 ateganyijwe gutangira tariki 21 Ugushyingo 2021.

Miss Earth ni irushanwa ry’ubwiza rihuza abakobwa bo mu bihugu bitandukanye byo ku migabane itandukanye y’isi.

Abategura iri rushanwa bifashisha ba nyampinga mu gusakaza ubutumwa akenshi bwiganjemo kurengera umubumbe dutuye no gufata ingamba zo kugira igikorwa mu rwego rwo gusigasira ibidukikije.

Iri rushanwa ry’uyu mwaka biteganyijwe ko rizaba hifashishijwe ikoranabuhanga kubera imbogamizi z’icyorezo cya koronavirusi.

Ibikorwa by’iri rushanwa bizaba biri guca imbona nkubone mu buryo bw’ako kanya ku mbuga nkoranyambaga za Miss Earth ( facebook.com/missearth na youtube.com/missearth) mu rwego rwo kwirinda ikwirakwira ry’icyorezo cya koronavirusi.

Kugeza tariki 10 Ukwakira 2021, abahagarariye ibihugu 75 nibo bari bamaze gutoranywa.

Abifuza guhatana mu irushanwa rya Miss Earth dore ibyo bagomba kuba bujuje :

. Kuba ufite ubwenegihugu bw’igihugu uhagarariye (Umunyarwandakazi)

. Kuba waravutse uri umukobwa (kuko hariho abahindura ibitsina)

. Kuba utarigeze ushaka, ukaba uri ingaragu kandi utarigeze ubyara

. Kuba ufite ubuzima buzira umuze

. Kuba ufite uburebure bugeze kuri santimetero 164.592

. Kuba ufite uburanga (ku isura)

. Kuba ufite hagati y’imyaka 18-28 (Kuba utazaba urengeje imyaka 28 ku itariki 31 Ukuboza 2021)

. Kuba ufite imiterere myiza y’umubiri (Nta bumuga bw’ingingo ufite)

. Kuba ufite ubumenyi bw’umuco w’igihugu cyawe n’ibidukikije

Umunyarwandakazi wa mbere witabiriye irushanwa rya Miss Earth ni Akazuba Cynthia waryitabiriye mu 2008.


Miss Akazuba Cynthia niwe Munyarwandakazi witabiriye Miss Earth bwa mbere nyuma yo kwegukana ikamba rya Nyampinga w’umujyi wa Kigali.

Kwiyandikisha ku bazahagararira U Rwanda byatangiye ku wa gatatu tariki 13 Ukwakira 2021 bikazarangira tariki 15 Ukwakira 2021.

Abifuza kohereza imyirondoro yabo mu bahatanira U Rwanda bayohereza banyuze hano

https://accounts.google.com/signin/v2/identifier?service=wise&passive=1209600&continue=https%3A%2F%2Fdocs.google.com%2Fforms%2Fd%2F1Hpn1N-itLB5KF2HX8IczgMYfYgEg1TVuCC2bbXLQGe8%2Fviewform%3Fedit_requested%3Dtrue&followup=https%3A%2F%2Fdocs.google.com%2Fforms%2Fd%2F1Hpn1N-itLB5KF2HX8IczgMYfYgEg1TVuCC2bbXLQGe8%2Fviewform%3Fedit_requested%3Dtrue<mpl=forms&flowName=GlifWebSignIn&flowEntry=ServiceLogin

Abifuza amakuru no kumenya ibindi byerekeranye n’irushanwa rya Miss Earth banyura hano http://www.missearth.tv

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO