Ibinini bya koronavirusi ubu bishobora gukorwa n’izindi nganda

Uruganda rukora imiti rwa Pfizer rwakoze n’urukingo rwa koronavirusi rwa Pfizer-BioNTech rwamaze kwemerera izindi nganda kuba zakora ibinini byifashishwa mu kurwanya icyorezo cya koronavirusi.

Mu itangazo ryasohowe kuwa kabiri dusoje, Uruganda rwa Pfizer rwatanze uburenganzira kuri Medicines Patent Tool, ikigo cy’umuryango w’abibumbye giherereye I Jeneve (Geneva) mu Busuwisi.

Iki kigo nicyo cyahawe uburenganzira bwo gutanga amasoko ku zindi nganda zizakora ibi binini bya Koronavirusi byari bisanzwe bikorwa n’uruganda rwa Pfizer.

Biteganyijwe ko ibi binini bizatangira gukoreshwa mu bihugu 95 bigize 53% by’abaturage batuye isi.

Impuguke nyinshi zikurikiranira bya hafi iby’ubuzima zivuga ko gukoresha ibi binini bizafasha isi guhashya no kurwanya burundu icyorezo cya koronavirusi ku rwego rwo hejuru kandi mu gihe gito.

Mu ntangiriro z’uku kwezi, Pfizer yatangaje ko ibi binini yakoze byaganyije umubare munini w’abantu barembera mu bitaro n’abicwa na koronavirusi ku kigero cya 90%.

Ku wa kabiri dusoje, nibwo Pfizer yasabye ikigo cy’Abanyamerika gishinzwe imiti n’ibiribwa kwemera ko ibi binini bitangira gukoreshwa ku isi yose.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO