Ibintu bitanu bitangaje biba muri Bibiliya birimo kuburira abantu no kuba igikoresho cyo kurahira

Bibiliya ni kimwe mu bitabo byubashywe ku isi ndetse byaguzwe cyane kurusha ibindi kugeza uyu munsi, Iki gitabo gifite uduhigo n’ibintu bitangaje benshi muri twe batazi nko kuba ari kenshi cyaburiye abantu kugeza n’uyu munsi.

Kugeza uyu munsi Bibiliya ni ubuhungiro bw’ibibazo kuri bamwe, Ikaba isoko y’ubwenge, impamba n’intwaro abakristu bitwaza ku rugamba.

Gusa hari byinshi byatumye Bibiliya irenga ku kuba igitabo gisanzwe, Uyu munsi turagaruka ku bintu bitangaje kuri uyu muzingo w’inzandiko.

1. Bibiliya iburira abantu ko bari mu minsi ya nyuma


Muri Bibiliya itubwira ko abantu bo ha mbere barambaga cyane aho nibura nka Metusela yabayeho imyaka 968 ndetse akaba umuntu wa mbere wabayeho igihe kinini kurusha abandi.

Adamu, Nowa n’abandi bake nabo babayeho imyaka ibarirwa muri 900, Nyuma y’umwuzure abantu batangiye kubaho igihe gito aho nibura Aburahamu na Isaka babarirwa imyaka iri muri 200 naho uyu munsi icyizere cyo kubaho cyikaba imyaka 72.

Abahanga batandukanye bagendera kuri iyi ngingo, Bakemeza ko ibi byerekana uburyo inyokomuntu igenda izimira buhoro buhoro aho umuntu atakibaho 1/10 cy’imyaka abasokuruza be babagaho mu binyagihumbi by’imyaka bishize.

2.Bibiliya iri mu bitabo bikoreshwa mu birori byo kurahira


Mu muhango wo kurahira kwa perezida wa leta zunze ubumwe za Amerika, Akenshi ashyira ikiganza kuri Bibiliya ndetse ibi byabaye umuco.

Gusa mu itegeko nshinga rya Leta zunze ubumwe za Amerika, mu ngingo ya 6, igika cya 3 havuga ko hatazigera habaho kugerageza cyangwa gusaba kwerekana imyizererere yawe kugirango wiyamamaze nk’umukuru w’igihugu ndetse habarurwa abasaga bane (4) barahiye hatifashishijwe Bibiliya.

3.Bibiliya nicyo gitabo cyagurishijwe kandi cyibwa cyane kurusha ibindi


Nibura habarurwa ko kugeza uyu munsi hamaze kugurishwa bibiliya zisaga amakopi miliyari 5, Gusa igitangaje ni nacyo gitabo cyibwa cyane kurusha ibindi.

Itegeko rya munani mu icumi Imana yahaye Musa, Rivuga ko udakwiye kwiba, Gusa ubushakashatsi bwerekanye ko Bibiliya aricyo gitabo cya mbere cyibwa, Bisa nk’aho ababikora baba bataragera ku rupapuro rw’amategeko 10.

4. Bibiliya ni isoko y’amazina ahabwa abana


Bibiliya ni kenshi ikoreshwa mu gushakisha amazina abantu bita abana babo, Amazina nka Yakobo, Daniyeli, Nowa, Eliya, Rusi, Esiteri yose akomoka muri Biliya n’andi atangaje nka Jackson (Bituruka kuri Jack impine ya Jacob (Yakobo) naho Jackson bikaba umuhungu wa Yakobo).

5.Benshi bapfuye kubera Bibiliya


Bibiliya ya mbere yari yanditswe mu ndimi eshatu: Igiheburayo, Ikigiriki na Aramayike, Izahinduwe zashyirwaga mu Kilatini gusa kuburyo urundi rurimi wari kuyihinduramo wari kubizira.

John Wycliffe yabaye nka wa mwana wariye intumva yiyemeza guhindura Bibiliya mu Cyongereza mu kinyejana cya 14, Ibi byatumye nyuma y’imyaka 43 apfuye, Kiliziya Gatolika y’i Roma itegeka ko bataburura umubiri we, bakawutwika ubundi ivu bakarimena mu ruzi nk’igihano cy’ibyaha yakoze.

Usibye uyu wataburuwe, undi wagerageje guhindura iki gitabo wtitwa Willim Tyndale yatwitswe ari muzima mu mwaka wa 1536, Gusa ubu byaroroshye kuko ku isi habarurwa Bibiliya zanditse mu ndimi zisaga 724 aho benshi mu batuye isi bashobora gusoma iki gitabo biroheye, Iyo bitaba ibi byari gusaba buri wese kwiga no kumenya Igiheburayo n’izindi ndimi Bibiliya yanditswemo.

Kugeza ubu igitabo gitagatifu nacyo gikomeye cyitarahindurwa bigusaba kwiga ururimi cyanditswemo ni Korowani, Igitabo gitagatifu cy’Abasilamu cyanditswe mu Cyarabu.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.