Ni umutinganyi!! Ibyo wamenya kuri Alba Flores uzwi nka Nairobi muri La Casa De Papel

Umukinnyikazi wa Filme Alba Flores wamenyekanye cyane muri Filime ‘La Casa de Papel’ ku izina rya Nairobi kuri uyu munsi yujuje imyaka 34, muri iyi nkuru tugiye kubabwira bimwe mu bintu bitigeze bimenyekana kuri uyu mukobwa ukunzwe cyane muri iyi minsi muri Sinema yo mu gihugu cya Esipanye.

Alba González Villa uzwi nka Alba Flores ni umukobwa uvuka ku mucuranzi witwa Antonio Flores na Ana Villa nawe wamenyekanye mu gukina makinamico.

Uyu mukobwa kuba afite igisekuru cyiganjemo abahanzi ndetse n’abakinnyi ba sinema si abo gusa kuko ari mwishywa w’abaririmbyi babiciye bigacika mu gihugu cya Esipanye Lolita Flores na Rosario Flores na mubyara w’umukinnyi wa filime Elena Furiase.

Alba Flores yakuze ari umukobwa ushabutse cyane kuko ku myaka ye cumi n’itanu nibwo yize ibijyanye no gusemura, asoje amasomo. Uyu mukobwa nibwo yatangiye kugaragara muri Sinema aho mu mwaka wa 2005 yagaragaye muri filime bwa mbere yitwa Luna de miel en Hiroshima (2005) ndetse no muri A Midsummer Night’s Dream (2005-2007).

Guhera ubwo uyu mukobwa yahise atangira kujya agarargara muri Filime nyinshi cyane mu gihugu cye kugeza kuyo aheruka kugaragaramo ari nayo yatumye amenyekana cyane ya La Casa De papel yatangiye gusohoka mu mwaka wa 2017, kuri ubu ikaba igeze ku gice cya gatanu aho uyu mukobwa muri Filime akina Yitwa Nairobi ari umukobwa ufata ibyemezo bikomeye cyane kandi bidakuka.

Uyu mukobwa kuva yatangira amaze guhabwa ibihembo bitandukanye nkaho muri 2015 yahawe igihembo cy’umukinnyi mwiza w’umugore muri filime yitwa Derrière les barreaux 2017 yegukanye igihembo cya Actúa nk’umunyempano ukiri muto.

Ibitangazamakuru bikunze kuvuga ko umurage wo mu muryango avukamo wamwemerera kugera aho ageze ubu. Gusa ahora asubiza ko atigeze yumva ko afite inyungu cyangwa ngo ateshwe izina yitwaje ko abantu bamuzi.

Uyu mukobwa mu minsi ishize Alba Flores yashyize hanze amakuru ku mugaragaro ashimangira ko ari ’umutinganyi’ aho yavuze ko ari mu rukundo n’umuririmbyi Ondina Maldonado.


Nairobi yahishuye ko ari umutinganyi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO