Ibiteye amatsiko ku buzima bwa Steve Jobs wagonze itegeko rya Leta, kubaho atoga n’ibindi

Umugabo wagize uruhare rukomeye mw’ishingwa ry’uruganda rwa apple, Yavutse tariki 24, z’ukwezi kwa Gashyantare, 1955, apfa mu mwaka w’2011, akaba yari umuherwe wapfuye asize ubutunzi busaga miliyari 10 z’amadolari y’amerika, ndetse akaba yari atuye I California nk’abandi baherwe n’ibikomerezwa biba muri Amerika.

Ibiteye amatsiko wamenya kuri Steve Jobs

Amategeko y’ I Silicon valley, muri California aho yari atuye, ategeka ko buri muntu utunze icyinyabiziga, ko cyigomba kuba gifite imibare ikiranga, Plaque. Birashoboka ko ari ubutunzi bwinshi yari afite akavuga ati “ Njye nagenda mu modoka itagira Plaque.”
Birashoboka ko bamwe bashobora no kumva ko bisa nko kwigomeka ku mategeko ya leta y’amerika, Cyangwa se bikaba ari uko atifuzaga ko abantu bamumenya, hakaba hari n’abamugirira nabi.

Abandi bavugako bishoboka ko uburyo inyuguti zari zanditse ku cyapa cyiranga imibare y’imodoka ye, atakunze uburyo zari zanditse kuko yari umuntu ukunda ibintu bisa neza bitarimo agakosa na gato ku rwego rwo hejuru abo bita “Perfectionist” mu ndimi z’amahanga, kuburyo yabonaga iyi plaque yari kuzangiza isura y’ imodoka ye nziza.

Steve Jobs yakoze buri cyimwe byamusabaga kugirango agonde amategeko ya leta zunze ubumwe z’amerika ndetse byaje kurangira abigezeho.
Benshi bavuga ibitandukanye bakavuga ko ashobora kuba yarahawe uruhushya n’igipolisi cy’Amerika cyo gutwara ikinyabiziga cye ariko cyitagira plaque.

Abandi bakavuga ko buri gihe yagendanaga amadolari mu modoka ye , aho yagombaga gutanga amadolari 250 buri gihe umupolisi amuhagaritse akamuca amafaranga yo kuba atwaye imodoka itagira plaque. Abandi bavugako ari abakunzi be burigihe bamwibaga plaque ye nk’igihe yaparikaga imodoka ye kuko bari barayifashe mu mutwe
Steve Jobs yari umunyabwenge cyane ku buryo yatunze imodoka itagira plaque, kandi polisi ntimufate ndetse nta n’idolari rimwe yigeze atanga azira gutwara imodoka itagira plaque.

Mu myaka mike ishize, leta ya California yemereraga abantu baguze imodoka nshya kuba bazitwara amezi make zitagira plaque.

Dore rero ibanga Steve Jobs yakoresheje

Steve yaragendaga akagura imodoka nshya, akayikoresha igihe cy’ingana n’amezi atandatu, iyo yarangiraga, yarongeraga akagura indi nshya kandi nayo yo mu bwoko bumwe akaba ariyo agendamo nayo itagira plaque.

Impamvu yaguraga imodoka nshya buri mezi atandatu, nuko icyo gihe leta ya California, yemereraga umuntu kuba yatwara imodoka igihe cyingana n’amezi atandatu yose itagira plaque. Bivuzeko buri mwaka yaguraga imodoka ebyiri. Yamaze icyo gihe cyose atwara ubwoko bumwe bw’imodoka “Mercedes SL55 AMG, kandi ifite ibara risa ni yambere.”

Ubwo birumvikana ko benz yari yishimiye umukiriya wabo w’imena wazaga kugura imodoka inshuro ebyiri buri ,mwaka. Gusa inkuru itari nziza nuko kuva mu kwezi kwa 1 k’umwaka wa 2019, leta ya California yasohoye itegeko rivugako abatuye California baguze imodoka nshya, bagomba gushyiraho ibyapa biranga imodoka zabo by’agateganyo,
Bitewe n’uburyo yari umuhanga, umunyabwenge ndetse n’umunyamafaranga, ubu yari kuba yarabonye ubundi buryo yatwara imodoka itagira plaque kandi ntahabwe ibihano, gusa gutwara imodoka mu bwihisho sibyo byonyine byasaga nk’ibituma Steve Jobs atandukana n’abandi bantu.

Yigeze kurya Carrots nyinshi isura ye ihinduka umuhondo

Jobs yaryaga bitandukanye n’abandi bantu, urugero hari nk’igihe yamaraga icyumweru ntacyindi cyintu arya cyitari imbuto za Pome, ndetse rimwe yigeze kurya carrots nyinshi, isura ye ihinduka umuhondo ndetse rimwe na rimwe harigihe yamaraga iminsi atarya, akavugako rimwe na rimwe kwiyiriza ubusa bisukura umubiri we ndetse bigatuma amererwa neza.

Steve jobs sibi byonyine bituma atandukana n’abandi bantu, kuko yatecyerezaga ko bidashoboka ko yaba agira icyuya cyinuka, yumva ko nta mpamvu yo kujya yoga buri munsi cyangwa gutunga imibavu yo kwitera ,ndetse sibyatangiye icyo gihe kuko kuva mu myaka y’1970, agikora muri Atari, yanukiraga abakozi bakoranaga cyane kuburyo byatumye bamuha gukora ijoro.

Impamvu byagendaga gutyo ni uko yatekerezaga bitandukanye n’abandi bantu bose babaga bari i ruhande rwe.
Ndetse gutecyereza bitandukanye n’abandi bantu bari I ruhande rwawe, ni kimwe mu bimenyetso byerekana ko ushobora kuba uri umunyabwenge kurusha abandi basigaye bari i ruhande rwawe.

Imitekerereze ye yatumaga abaho bitandukanye n’abandi

Yanditswe na BERRICK MUNYESHYAKA

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO