Ibrahim Boubacar Keita wahoze ayobora Mali yapfuye ku myaka 76

Ibrahim Boubacar Keita wigeze kuba perezida w’igihugu cya Mali byatangajwe ko yashizemo umwuka ku cyumweru aho yari ari mu rugo rwe i Bamako, mu murwa mukuru wa Mali. Urupfu rwe rwemejwe n’uwahoze ari minisitiri w’ububanyi n’amahanga Abdolaye Diop.

Ibrahim Boubacar Keita yavutse tariki 29 Mutarama 1945, avukira i Koutiala muri Mali,
Uyu mugabo nanone yari akunze kwitwa IBK, bisobanuye izina rye mu mpine.

Kuva mu mwaka wa 1994-2000, Keita yabanje kuba Minisitiri w’intebe, Ndetse icyo gihe abaturage bose bamubonaga nk’umuntu ushyira mu gaciro kandi wari kuzahosha imvururu zabaga muri iki gihugu.

Nyuma mu mwaka wa 2013, Uyu mugabo yaje gutorerwa kuyobora Mali kugeza mu 2020 ubwo yahiritswe ku butegetsi n’abataravugaga rumwe nawe.

Keita yayoboye Mali mu gihe gisaga imyaka 7, Kuva mu kwezi kwa Nzeri 2013- Kanama 2020 ubwo yahirikwaga ku butegetsi n’igisirikare kiyobowe na Assimi Goita.

Mu itangazo ryashyizwe ahagaragara n’uwahoze ari Minisitiri w’ububanyi n’amahanga risobanura ko, Keita yari amaze imyaka ine yivuriza muri Leta zunze ubumwe z’Abarabu, Icyateye urupfu rwe nticyatangajwe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO