Nyuma y’imyaka igera kuri 4 Cristiano Ronaldo akubutse muri shampiyona ya Espagne noneho inkuru igezweho nuko uyu mugabo w’imyaka 37 y’amavuko arimo kwifuzwa bikomeye n’umutoza Diego Simeone utoza Athletico Madrid.
Magingo aya umukinnyi Cristiano Ronaldo yatangaje ko atifuza kongera amasezerano mu ikipe ya Manchester United nyuma y’aho iyi kipe inaniriwe kubona itike yerekeza muri Uefa Champions League.
Hari amakuru y’ibihuha yavuzwe ko uyu mugabo ashobora gutizwa mu ikipe ya Sporting Lisbon, gusa nyiri ubwite yatangaje ko ari amakuru y’ibihuha.
Uyu mugabo aracyafitanye amasezerano y’umwaka umwe mu ikipe ya Manchester United gusa magingo aya ntarabasha kugaruka mu myitozo aho we ngo yasabye uruhushya aho bivugwa ko arimo kwita ku muryango we.
Uyu mugabo yakunze kuvugwa mu makipe atandukanye arimo Bayern Munich ndetse na Chelsea gusa bisa naho aya makipe yamuteye umugongo gusa biravugwa ko umukeba ukomeye cyane wa Real Madrid ariwe Athletico Madrid.
