Ibyamamare 10 bitari bizwi ko bifite abuzukuru

Mu mateka y’abantu cyane mu byamamare hari igihe uba umufana cyangwa umukunda ariko hari bimwe utamuziho. Niyo mpamvu mu nkuru yacu uyu munsi tugiye kukugezaho bamwe bari bafite abuzukuru ariko bitazwi.

Dore ururtonde rw’ibyamamare benshi batari baziko bifite abuzukuru .

1. Jim Carrey

Muri 2010 Umukobwa w’umunyarwenya Jimmy Carrey yabyaye umwana w’umuhunu witwa Jackson Riley, icyo gihe uyu mugabo wakunzwe muri filime zo gusetsa yari afite imyaka 48 bahise batangira kumwita Sogokuru Jim.

Muri uwo mwaka nibwo Jim Carrey yatangarije ikinyamakuru Access Hollywood ko afite umunezero mwinshi yatewe n’umwuzukuru we Jackson Riley Santana.

2. Brett Favre

Brett Favre wahoze ari umukinnyi w’umukino wa NFL muri Amerika mu mwaka wa 2010 umukobwa we yibarutse umwana we wa mbere yise Parker Brett, waje asanga abandi buzukuru babiri yari afite akaba anakunze kubashyira ku mbuga nkoranyambaga ze.

Mu mwaka wa 2018 yagiye kuri Instagram ye arandika ati “Igihe tumarana n’abana bacu ndetse n’abuzukuru ni ntagereranywa."

3. Gayle King

Gayle King ni umunyamakuru kuri televizo ya CBS mu kiganiro cya mu gitondo , uyu mugore mu kwezi kwa Nzeri muri uyu mwaka nibwo umukobwa we Kirby Bumpus yibarutse umwana we wa mbere.

Ubwo yaganirga n’ikinyamakuru USA Today yagize ati “ubu nabaye nyogokuru ku mugaragaro mfite umwuzukuru witwa Luca Lynn Miller."

Yakomeje agira ati "Mu by’ukuri ni ikintu cyiza iyo ubonye umwana wawe abaye umubyeyi."

4. Cee Lo Green

Cee Lo Green wamenyekanye mu ndirimbo ’Forget You’ mu mwaka wa 2010 nibwo yatangaje ko yishimiye kuba sogukuru ku myaka 35. Icyo gihe umukobwa we Sierra Johnson yibarutse umwana amwita Izzy.

5. Lauryn Hill

Lauryn Hill wahoze mu itsinda rya Fugees mu myaka icumi irenga yabanaga na Rohan Marley umuhungu wa Bob.

Muri Gashyantare 2017, umwe mu bahungu babo, Zion Marley, yabyaye umwana w’umuhungu witwa Zephaniya.

Icyo gihe Ibyo byatumye lauryn Hill aba nyogokuru afite imyaka 41, nk’uko New York Daily News yabitangaje.

6. Pierce Brosnan

Pierce Brosnan wakinnye filime nyinshi za James Bond amaze kuzukuruza inshuro eshatu ku bana be babiri, Inshuro ebyiri ni ku mukobwa we Nyakwigendera Charlotte Brosnan na rimwe k’umuhungu Sean Brosnan. Uyu mukinnyi yagize ati: "Nibyishimo gusa kuba sogokuru, Hariho ikintu gisindisha gusa kandi cyiza."

7. Terrence Howard

Umuhanzi w’icyamamare Terrence Howard wamenyekanaye muri filime y’uruhererekane ya Empire yabaye sekuru mu 2013, ubwo umukobwa we Aubrey Howard yakiraga umwana we wa mbere mu bana babiri amaze kubyara .

8. Kiefer Sutherland

Umukinnyi w’icyamamare Kiefer Sutherland yabaye sekuru mu myaka mike nyuma yo kuyobora filime yo kurwanya iterabwoba ry’ibisasu izwi nka 4 Chrono.

Uyu mukobwa we witwa Michelle Kath ubu afite abana babiri b’abahungu iteka sekuru ahora avuga ko yishimira igihe cyose bari kumwe .

9. Eddie Murphy

Eddie Murphy uzwi cyane muri welcome to Amerika n’izindi nyishi azwiho kuba afite umuryango munini aho afite abana 10 yabyaye atarageza ku myaka 30.

Uyu mugabo uzwiho gusetsa cyane mu mwaka wa 2019 nibwo umuhungu we w’imfura Miles yibarutse Umukobwa witwa Evie.

10. Lionel Richie

Lionel Richie wamamaye mu njyana ya Pop. Umukobwa we Nicole Richie n’umugabo we Joel Madden bamaze kubyara abahungu 2 aribo Sparrow na Harlow byatumye uyu mugabo nawe ahita ajya mu rwego rwaba sogokuru.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO