Ibyamamare bitandukanye bikomeje kuva kuri Twitter umusubirizo ngo kuko itagitanga ibyishimo nka mbere

Urubuga rwa Twitter rumaze kuba iciro ry’imigani nyuma y’uko umuherwe Elon Musk aruguze akaakora impinduka nyinshi zitandukanye benshi bakomeje kwinubira.

Kuva uyu mugabo yagura uru rubuga, Benshi bavuga ko yaruhinduye akarima ke aho ibyo ntawabijyaho impaka kuko ariwe muyobozi mukuru agomba kurugenzura uko abishaka.

Amavugurura arimo kwishyuza abantu amafaranga yo guhabwa konti zifite utumenyetso tw’ubururu (verified), kwirukana abakozi basaga 7,500 no gukuraho konti zose zamamaza izindi mbuga nkoranyambaga biri mu byatumye benshi bikura kuri uru rubuga.

Umuraperi Meek Mill ari mu ba mbere berekanye ko barambiwe imikorere ya Twitter nyuma y’uko igiye mu maboko ya Elon Musk ndetse yahise atangaza ko agiye gusiba burundu konti ye kuko nta byishimo acyiyiboneraho.

Meek Mill ari mu ba mbere batangaje ko bagiye kuva kuri Twitter

Elon Musk ashinjwa kuba yarahagaritse konti ya Kathy Griffin ngo kuko yiganaga uburyo avuga mu gihe ibi tubimenyereye no ku bakuru b’ibihugu ko nabo biganwa uburyo bavuga.

Ku itariki 9 Ukuboza 2022 nanone Elton John ubwe yatangaje ko yafashe umwanzuro wo kutongera gukoresha twitter bitewe n’inkuru z’ibihuha yavugaga ko ngo zihererekanywa cyane kuri uru rubuga.

Mbere gato ya Elton John, Jim Carrey nawe yatangaje ko agiye kuva kuri Twitter,

Elon Musk aherutse gutangiza amatora asaba ko ubwiganze bw’abantu nibutora ko akomeza kuba umuyobozi mukuru w’uru rubuga cyangwa akegura ko azahita ashyira mu ngiro ubwo busabe.

Mu buryo butunguranye kimwe cya kabiri cyirenga batoye ko yegura, bishobora kuba byerekana ko barambiwe amategeko n’amabwiriza mashya yashyizeho kabone n’ubwo uru rubuga yaruguze amafaranga ye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO