Ibyamamare bitandukanye byifatanyije n’Umuhanzi Meddy mu bihe bitoroshye byo kubura umubyeyi

Ku itariki 14 Kanama 2022 nibwo humvikanye inkuru ivuga ko Alphonsine Cyabukombe, akaba nyina w’umuhanzi Meddy yitabye Imana nyuma yo kumara igihe arwariye mu gihugu cya Kenya.

Kugeza magingo aya ntacyo umuhanzi Meddy arabitangazaho gusa bamwe mu byamamare bitandukanye bifite aho bihurira na muzika n’imyidagaduro muri rusange bagaragaje ko bifatanyije nawe mu bihe bitoroshye byo kubura umubyeyi.

Meddy yabuze se umubyara akiri umwana muto cyane bituma akura arerwa na nyina gusa ariko nanone ni kenshi yumvikanye ashimira se umubyara kuko ariwe akesha inganzo kuko ngo nawe yari umunyamuziki ukomeye akanaba umuhanga mu gukirigita imirya y’inganga.

Ni kenshi Meddy yagaragaje ko akunda nyina umubyara kandi ko ntawe yabanganya, akavuga uburyo nta narimwe ashobora kugira umujinya w’umuranduranzuzi, ko ahubwo iteka ahora ari umuntu wishimye agahorana urugwiro n’urukundo.

Yakomeje avuga ko nta narimwe yigeze atinda gusubiza ubutumwa bwe cyangwa kumwitaba kuri telefone dore ko aba bombi bari batuye ku migabane itandukanye kuko Meddy akorera ibikorwa bye bya muzika muri Leta zunze ubumwe za Amerika akaba ari naho atuye we n’umuryango we ugizwe n’umugore n’umwana umwe aheruka kwibaruka.

Benshi mu bafite aho bahurira n’uruganda rw’imyidagaduro mu Rwanda barimo Alex Muyoboke n’abandi batandukanye berekanye imbamutima zabo bandika amagambo yihanganisha Meddy nyuma yo kubura umubyeyi we.


Meddy avuga ko umubyeyi we yagiraga urukundo n’urugwiro agahora yishimye

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO