Ibyamamare byo mu Rwanda Byiyemeje gufasha Umuryango wa Akeza Elsie

Urupfu rwa Akeza Elsie rukomeje gushengura imitima ya benshi hano mu Rwanda biganjemo abo mu gisata cy’imyidagaguro. Nyuma y’iminsi ibiri uyu mwana ashyinguwe, bamwe mu byamamare ndetse n’abafite aho bahuriye n’imyidagaduro bakomeje kugaragaza agahinda batewe n’urupfu rwe.

Ejo hashize, umuhanzi Ngabo Medard afatanyije n’abafana be ndetse n’umuhanzi Kamichi baba muri Leta Zunze Ubumwe za Amerika bongeye kwerekana agahinda batewe n’urupfu rw’uyu mwana.

Abo bose biyemeje gufata mu mugongo umuryango we aho bashyizeho urubuga rwo gukusanyirizaho inkunga yo gufasha abasigaye by’umwihariko umubyeyi wibarutse Elsie.

Uyu mubyeyi nyuma yo kubura umwana we yatangarije itangazamakuru ko kugeza ubu atarabasha kwakira mu mutima ibyamubayeho yagize ati :" N’ubu birankomereye cyane kuko sindagira icyo mbasha kuvuga ku rupfu rw’umwana wanjye Elisie ".

Uru rubuga nyuma y’amasaha make rutangijwe n’abafana ba Meddy bazwi nk’inkoramutima benshi bakomeje kwitanga uko bashoboye kugira ngo bafashe uyu mubyeyi.

Nyuma y’urupfu rwa Akeza Elsie ,Urwego rw’igihugu rw’ubugenzacyaha (RIB) rwahise ruta muri yombi Mukase witwa Mukanzabarushimana Marie Chantal n’Umukozi we Nirere Dative bakekwaho Urupfu rw’uyu mwana.

Akeza Rutiyomba Elsie yashyinguwe kuri uyu wa Kabiri tariki ya 17 Mutarama 2022 mu irimbi rya Rusororo , umuhango waranzwe n’amarira menshi ndetse n’agahinda ku bari bamuherekeje.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO