Ibyifuzo bye bigiye gusubizwa Manchester United igiye gukorera Cristiano Ronaldo ikintu yifuzaga

Inkuru dukesha The Mirror ivuga ko ikipe ya Manchester United yaba igiye kureka rutahizamu Cristiano Ronaldo akagira ahandi yerekeza mu kwezi kwa Mbere.

Kugeza ubu ntabwo ibintu byifashe neza kuri uyu mugabo w’imyaka 37 ukomoka mu gihugu cya Portugal dore ko atakibona umwanya ubanza mu kibuga.

Ibi bikomeje kuvugwa mu gihe uyu mugabo mu cyumweru gishize ubwo ikipe ye yatsindaga Tottenham yarakariye bikomeye umutoza kuko atamushyize mu kibuga maze bituma yivumbura asohoka umukino utararangira.

Ibi byatumye umutoza we Ten Haag amufatira ibihano bikakaye ndetse ibi byatumye amukura ku rutonde rw’abakinnyi bagombaga kwifashishwa ku mukino wa Chelsea na Manchester United.

Ikinyamakuru The Mirror cyatangaje ko Cristiano Ronaldo nubwo bwose amasezerano ye azarangira mu mpera z’uyu mwaka w’imikino gusa ngo ikipe ya Manchester United iteganya kumurekura muri uku kwezi kwa Mutarama akigendera dore ko atagifite umwanya ubanzamo.

Magingo aya nta kipe yigeze inugwanugwa mu gushaka uyu mugabo w’imyaka 37 y’amavuko icyakora hari abakomeje kuvuga ko ikipe ya Chelsea ngo yaba imwifuza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO