Ibyo wamenya ku bwoko bushya bwa covid-19 yihinduranyije yitwa Omicron XBB.1.5

Isi yose ihangayikishijwe n’ubwihindurize bushya bwa Covid-19 bwahawe izina XBB.1.5 bwakomotse kuri Omicron nayo yaciye ibintu ku isi iturutse mu Bwongereza mu bihe by’ubukonje byo mu 2021.

Ku itariki 26 Ugushyingo 2021, Ishami ry’umuryango w’abibumbye ryita ku buzima (OMS/WHO) ryemeje ko hadutse ubwihindurize bushya bwa covid-19 bwahawe izina Omicron, Iyi virusi yateje izamuka mu mubare w’ubwandu cyane mu Bwongereza na Amerika.

Nyuma y’umwaka hongeye kumvikana ubwoko bwayo bushya bwahawe izina Omicron XBB.1.5. yaturutse kuri Omicron XBB.

Ni iki ukwiye kumenya kuri ubu bwoko bushya bwa Covid-19

Kugeza ubu igiteje ikibazo, ni uko ubu bwihindurize bushya umuntu ashobora kubwandura ariko atagaragaza ibimenyetso by’umuriro cyangwa gukorora.

Bimwe mu bimenyetso ushobora kwitondera harimo:

. Kubabara mu ngingo
.Kubabara umutwe
.Kubabara ijosi
.Kubabara ibice byo hejuru
.Umusonga no gutakaza ubushake bwo kurya

Ibi bishobora kuba ibimenyetso mpuruza bikuburira ko ushobora kuba wibasiwe n’ubu bwandu bushya.

None dukwiye gukora iki ?


Kugeza ubu turakangurirwa gukomeza ingamba zo kwirinda harimo no kwambara agapfukamunwa kuko ubu bwihindurize bushya bukubye inshuro 5 ubukana bwa Delta, Ibi bikaba biteje impugenge ko hashobora kugaragara umubare munini w’abahitanwa n’iki cyorezo nta gikozwe mu maguru mashya.

Ingamba zirimo gusiga intera igihe turi ahantu hari abantu benshi, gufungur amadirishya no gukaraba intoki kenshi gashoboka ni bimwe mu bizadufasha guhangana n’ubu bwandu bushya.

Dukwiye guhangayika ?


Kugeza ubu, Ubwihindurize bwa Omicron XBB.1.5. bugize 4% y’udukoko (virusi) za covid-19 zose zigaragara mu Bwongereza, Iri janisha ni rito gusa igiteje impugenge ni uko yandura ku muvuduko mwinshi.

Abashakashatsi bo muri Leta zunze ubumwe za Amerika bo bemeza ko ubu bwoko bwa covid-19 aribwo bwihishe inyuma y’umubare munini w’abantu bagaragara boherezwa mu bitaro bya New York, Hakwiyongeraho ibihe by’ubukonje bikaba nko kuzimisha umuriro peteroli.

Ni ubuhe buryo bwo kwirinda iki cyorezo ?


Kugeza ubu abashakashatsi bahamya ko inkingo ariwo muti wa mbere mu guhangana n’ubu bwihindurize bushya bwa covid-19, gusa Sam Wilson, Uyu akaba umwarimu muri kaminuza ya Glasgow mu ishami ryiga ku dukoko we avuga ko n’ubundi ingamba za mbere zo kwirinda iki cyorezo zagira ingaruka nziza.

Kwambara udupfukamunwa, kugabanya inama n’ibirori bitari ngombwa, no kwishyira mu kato ku banduye, ibi byose bizadufasha guhashya Covid-19 n’ubwihindurize bushya bwayo.




Covid-19 yagize ingaruka zikomeye benshi batifuza kongera guhura nazo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO