Icyamamare Jidenna cyarimbye mu mwambaro wa Moshion

Umuhanzi w’icyamamare ku Isi Jidenna Theodore Mobisson, uzwi mu muziki nka Jidenna yaragaye yambaye imyambaro ya Made in Rwanda yakorewe muri Moshions ya Turahirwa Moise.

Uyu muhanzi w’umunyamerika ariko ufite inkomoko muri Nigeria aheruka kuza gutaramira mu Rwanda taliki ya 29 Ugushyingo 2019 ubwo yari yatumiwe mu gitaramo cya Kigali Jazz Junction.

Icyo gihe mbere y’uko ajya mu gitaramo yabanje guhura na Moshions aba ariwe umwambika imyambaro yajyanye ku rubyiniro.

Kuri uyu munsi abinyujije ku rukuta rwe rwa Instagram yashyizeho ifoto yambaye imyambaro yakorewe muri moshions ya Turahirwa Moïse imaze kubaka izina mu Rwanda ryo kubaka ibyamamare ndetse n’abayobozi bakuru.

Imyambaro ye yagiye yambikwa benshi nko mu muhango wo gusaba umukobwa wa Perezida w’ u Rwanda, Ange Kagame, Inshuro zitari nke wabonye umufasha w’umukuru w’igihugu, Jeannette Kagame yambaye amakunzu cyangwa se amashati meza atakishijwe imigongo y’amabara y’umweru n’umuhondo cyangwa se umukara n’umweru.

Mu mwaka ushize yahawe igihembo nka rwiyemezamirimo wateje imbere ibikorerwa mu Rwanda muri RDB Business Excellency Awards 2019.


Uyu muhanzi yerekanye ko yarimbye mu mwambaro wa Moshions


Muri 2019 Moise yabaye rwiyemezamirimo wateje imbere ibikorerwa mu Rwanda

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO