Icyamamare kuri TikTok Gabriel Salazar yitabye Imana

Gabriel Salazar wamenyekanye cyane ku rubuga rwa Tik Tok yitabye Imana nyuma yo gukora impanuka ikomeye ubwo yari yirukankanaga na Polisi ahitwa La Pryor muri Texas.

Gabriel Salazar wiyitaga @gabenotbabe ku rubuga rwa TikTok aho yakurikirwaga n’abantu miliyoni 2.2 yapfuye afite imyaka 19 gusa.

Uyu musore ku cyumweru gishize tariki ya 26 Nzeri ubwo yari atwaye imodoka ye ahagana mu masaha ya saa saba n’igice z’ijoro ari kumwe n’inshuti bahagaritswe na Polisi banga guhagarara bahitamo kwiruka mu gihe polisi yari ibakurikiye abo bose baje gukora impanuka ikomeye cyane yabahitanye bose uko ari bane.

Ishami rya Polisi yo mu muhanda mu mujyi wa Texas ryavuze ko Gabriel Salazar yari atwaye imodoka yo mu bwoko bwa Chevrolet Camaro 2014.

Ukuriye ubugenzacyaha muri ako gace ka Crystal yabitangaje nyuma yaho umupolisi wari mukazi yavuze kuri radio ko akurikiranye imodoka yo mu bwomo bwa Chevy Camaro y’umweru yavuze ko yagerageje guhagarika iyo modoka ariko biranga.

Yakomeje agira ati "Salazar yambukiranyije umuhanda agana ahantu hegereye ruhurura aho yageze agonga ibiti byo mu muhanda imodoka iriribirandura aho yahise ifatwa n’inkongi y’umuriro yamuteye ibikomere byinshi byaje gutera urupfu rwe."

Bagenzi be bose uko ari batatu bapfiriye aho barimo Jose Luis Jimenez-Mora w’imyaka 41, Jose Molina-Lara w’imyaka 23 na Sergio Espinoza-Flores w’imyaka 36. " bose uko ari bane bakomokaga mu gihugu cya Mexico.

Umwe mu nshuti za Salazar witwa Chris Vazquez yagize ati "Gabriel yakundaga umuryango we cyane kuko yahoranaga na mushiki we ndetse na Murumuna we abahobera ndetse banamwenyura, asigiye umuryango we agahinda wibagirwa ibyo bihe byiza yakundaga kugirana nabo kandi atuje cyane."

Vazquez yasoje avuga ko kugeza ubu inshuti ze ndetse n’abamukurikiraga kugeza ubu bashyizeho urubuga rwa GoFundMe aho bamaze gukusanya asaga ibihumbi 38 by’amadorali yo gufasha umuryango we.


Gabriel Salazar wiyitaga @gabenotbabe ku rubuga rwa TikTok aho yakurikirwaga n’abantu miliyoni 2.2 yapfuye afite imyaka 19 gusa.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO