Icyamamare mu kumurika imideri ‘Naomi Campbell’ w’imyaka 50 yibarutse imfura

Naomi Campbell wamamaye cyane mu bijyanye no kwamamaza imideli ari mu byinshimo nyuma y’imyaka 50 yose ashaka urubyaro ntarubone ariko kuri ubu akaba yamaze kwibaruka umwana w’umukobwa.

Uyu munyamideli yashyize ahagaragara ifoto kuri Instagram afashe ikirenge cy’uruhinja ariko ntiyatanze ibisobanuro birambuye, birimo izina ry’umwana we, itariki cyangwa ibihe yavukiyeho.

Mu butumwa bwe yagize ati : "Igitangaza cyiza cyampisemo kuba nyina. Nishimiye cyane kubona ubu bugingo buryoshye mu buzima bwanjye."

Naomi Campbell witegura kwizihiza isabukuru y’imyaka 51 y’amavuko mu minsi mike iri imbere. Yakomeje agira ati: "Nta magambo yo gusobanura ubu bucuti butajegajega ubu nsangiye nawe marayika wanjye".

Uyu munyamideli Naomi Campbell yari yavuze inshuro nyinshi icyifuzo cye ku mwana mu binyamakuru mu myaka yashize.

Yatangarije ikinyamakuru Daily Evening cyo mu Bwongereza mu 2017 Ati: "Buri gihe ntekereza kubyara, ariko ubu hamwe n’iterambere ry’ubumenyi ndatekereza ko nshobora kubikora igihe cyose nshakiye."

Nyuma yo kugaragaza ibyishimo bye Ibyamamare byinshi byo ku isi ya sinema n’imyambarire byashimye Naomi Campbell, nk’umunyamerika Marc Jacobs hamwe n’abakinnyi ba filime Zoe Zaldana na Jodie Turner-Smith.

Naomi yibarutse imfura ku myaka 50

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO