Icyamamare mu kwandika ibitabo Wilbur Smith yapfuye

Kabuhariwe mu kwandika ibitabo Wilbur Addison Smith wavutse mu mwaka wa 1933 , ku wa gatandatu dusoje nibwo byamenyekanye ko yashizemo umwuka ari mu rugo rwe ruherereye i Cape Town muri Afurika y’epfo.

Inkuru igaruka ku rupfu rwa Wilbur Smith wari ufite imyaka 88, yamenyakanishijwe n’imbuga nkoranyambaga zitandukanye harimo n’umuryango Wilbur and Niso Smith Foundation washinzwe na Wilbur n’umugore we.

Amatangazo yose yashyizwe hanze ntabwo yigeze atangaza icyateye urupfu rw’uyu mukambwe.

Mu gihe cye cyo kwandika ibitabo, Wilbur yanditse ibitabo bisaga 49 abigurisha amakopi asaga miliyoni 140 mu ndimi 30.

Uyu mukambwe Wilbur Smith yavukiye muri Rhodesia y’amajyaruguru (Zambia y’uyu munsi) avukira ku babyeyi b’abazungu b’Abongereza.

Mu bwana bwe yakuze atembera mu mashyamba n’imisozi n’ibice bibarizwamo imikenke bya Afurika.

Smith yakuze ashaka kuzaba umunyamakuru akajya yandika ku buzima n’imibereho itandukanye yabonaga muri Afurika y’epfo.

Gusa icyo gihe ise umubyara yifuzaga ko ajya gushaka akazi gasanzwe aribyo byatumye akora mu basoresha b’imisoro, Gusa n’ubundi urukundo rwe rwo kwandika ntirwarangiriye aho.

Mu mwaka wa 1964, nibwo Smith yashyize hanze igitabo cye cya mbere yise " When the Lion Feeds " iki gitabo cye cyavugaga inkuru y’umusore muto wakuriye mu bibaya n’inzuri bya Afurika y’epfo.

Iki gitabo cye cyarakunzwe cyane ndetse cyiragurishwa cyane ndetse Smith yavuze ko ari cyo gitabo yakundaga cyane kurusha ibindi byose yanditse kuko aricyo cya mbere yari yanditse.

Ikindi gitabo yanditse kigaca agahigo ni icyo yise "Courtney Series" aho iki gitabo cyagarukaga ku mateka yabayeho mu binyejana bitatu, cyavugaga ku mateka y’ubukoloni muri Afurika, intambara yabaye hagati mu baturage muri Amerika ndetse nanone gikomoza ku mateka y’irondaruhu yabaye muri Afurika y’epfo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO