Ifoto y’umuzungukazi ahobera umwimukira muri Esipanye yeteje ikibazo

Mu gihe muri iyi minsi ikibazo cy’abimukira binjira muri Esipanye gikomeje gufata indiri ntera abantu benshi bakomeje kugenda bagaragaza ko hari abantu batakitayeho cyane bafite umutima wa kimuntu, ibi bije nyuma yaho hagaragaye ifoto y’umukozi wa Croix Rouge y’icyo gihugu ari guhobera umwimukira ukomoka muri Senegali , iyo foto ikomeje kuvugisha benshi cyane ku mbuga nkoranyambaga .

Iyo foto yagaragaye mu gihe muri Esipanye mu ntangiriro z’iki cyumweru abimukira 8000 babashije kwambuka inyanjya ya Mediterane bakagera mu gace ka Ceuta aho bamwe babashije kugira amahirwe yo kwakirwa ariko abandi barenga ibihumbi bagasubizwa mu gihugu cyabo.

Nkuko tubikesha BBC ivuga ko iyo foto yakomeje guca ibintu ku mbuga nkoranyambaga ari iy’umukobwa w’umuzungukazi ukorera Croix Rouge ya Esipanye witwa Luna wagaragaye ahobera n’umusore w’umwimukira yarangiza akamwakira mu maboko ye akamuha amazi yo kunywa kuko byagaragara ko yishwe n’umwuma.

Uyu mukobwa Luna w’imyaka 20 yabwiye Radiyo na Televiziyo bya Esipanye ati "Namubonye arimo ararira n’uko araza angwa mu maboko, nanjye muha amazi yo kunywa nta kindi kintu kidasanzwe nakoze uretse gukora akazi kanjye."

Iyi foto ikimara kujya ku mbuga nkoranyambaga uyu mukobwa yarebwe n’abantu barenga ibihumbi 10, bahise batangira ku mutuka cyane benshi bazanamo amagambo y’irondaruhu cyane ndetse n’andi ashingiye ku gitsina, ibintu byatumye afata umwanzuro wo kuba asibye konti ze zose ku mbuga nkoranyambaga.

Nyuma yo kubona ibitutsi uyu mukobwa yatutswe bamwe mu bashigikiye igikorwa yakoze batangiye kumushima cyane babinyujije kuri HashTag yiswe #GraciasLuna kuri Twitter yakoreshejwe incuro zirenga 50.000.

Muri abo harimo Minisitiri w’imari w’icyo gihugu Bwana adia Calviño yanditse ati: "#GraciasLuna (wakoze cyane Luna) kubona werekanye imico yacu myiza", mu gihe uwundi mu Minisitiri nawe yagize ati iyi foto ni "ikimenyetso cy’umwizero n’ubumwe".

Mu butumwa bwa Croix Rouge ya Espagne kuri Twitter yagize iti: "Turi ishyirahamwe rifite ba Luna benshi cyane bafasha abantu nk’aba binjira muri Ceuta iminsi yose".

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO