Igihugu cya Ghana cyakuyeho itegeko ryo kwambara agapfukamunwa

Igihugu cya Ghana cyamaze gukuraho itegeko ryo kwambara agapfukamunwa mu ruhame, ni mugihe ibihugu byinshi muri Afurika bikomeje gushishikariza abaturage babyo kwambara agapfukamunwa mu rwego rwo gukomeza gukumira ubwandu bwa Covid-19.

Perezida w’igihugu cya Ghana Nana Akufo Addo yafashe iki cyemezo nyuma y’aho ubwandu bwa Covid-19 muri Ghana bukomeje kugabanyuka ndetse no mu bihugu bihana imbibi n’iki gihugu nabyo bifite ubwandu buke bw’abarimo kwandura iki cyorezo.

Perezida Addo kandi yavanyeho PCR Test ku bagenzi bakingiwe binjira mu gihugu banyuze ku kibuga cy’indege mpuzamahanga cya kotoka giherereye i Accra mu murwa mukuru w’iki gihugu,ndetse ibi byatangiye kubahirizwa guhera kuri uyu wa mbere taliki 28 Werurwe 2022.

Gusa perezida wa Ghana yakomeje gushishikariza abanyagihugu gukomeza ibikorwa by’isuku harimo gukaraba intoki uko bikwiye ndetse no kwirinda guhurira cyane ahantu hari abantu benshi.

Umubare w’ubwandu mu gihugu cya Ghana buri munsi kuva mu kwezi k’Ukuboza 2021 kugeza ubu iki gihugu kimaze kugira ubwandu bungana n’abantu 160,925 byemejwe ko banduye Covid-19.

Ghana yiyongeye ku bindi bihugu muri Afurika bikomeje koroshya ingamba zo gukumira iki cyorezo gusa ishami ry’umuryango w’abibumbye ryita ku buzima ku isi OMS mu cyumweru gishize ryaburiye ibihugu bikomeje koroshya izi ngamba ko bihuse mu gufata iyo myanzuro.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO