Igikomangoma Harry na Meghan ntibicuza kuba baravuye i bwami

Hashize igihe kingana n’umwaka igikomangoma Harry n’umugore we Meghan Markle bafashe umwanzuro ukomeye wo kwikura ku nshingano z’abagize umuryango w’ubwami bw’Ubwongereza, aho aba bombi bagiye kubaho ubuzima bwabo i California muri Leta zunze ubumwe za Amerika.

Aba bombi ubu bafite abana babiri, umwe ni umuhungu wabo w’imfura y’imyaka ibiri witwa Archie Harrison Mountbatten-Windsor bakagira n’umukobwa w’amezi abiri baheruka kwibaruka bise Lilibet Diana Mountbatten-Windsor.

Nubwo aba bombi bagiye bandikwa mu nkuru z’ibinyamakuru bitandukanye, aho byavugaga ku mwanzuro ukomeye bafashe mu mateka y’i bwami, aho biyemeje kuva i bwami aho bacungirwaga umutekano, bagahabwa n’umushahara wa buri kwezi bakiyemeza kujya gutangira ubuzima bwabo aho bagomba guhemba ababacungira umutekano ndetse ntibagire umushahara babona, ibi byose ntibyabaciye intege.

Igikomangoma Harry na Meghan Markle baherutse gutangaza ko bamaze iminsi bahugijwe n’umushinga wa filime bari gutegura ivuga ku buzima bwabo aho izasohorwa na Netflix ndetse ko bafite n’indi mishinga myinshi yo gufasha abantu batandukanye.


Mu kiganiro aba bombi bagiranye na Oprah Winfrey, batangaje ko baticuza na gato kuba barikuye I bwami.

Mu gitabo Finding Freedom, igitabo gikubiyemo ubuzima Harry na Meghan babayemo nyuma yo gukora ubukwe bagahitamo kwikura i bwami, harimo amapaji avuga uburyo aba bombi biyumva nyuma yo gufata umwanzuro ugoye ndetse ushobora kugira ingaruka zikomeye ku buzima bwabo.

Muri iki gitabo bavuga ko mu myaka ya mbere ubuzima bari babayemo bwari bugoye, gusa ubu yaba Harry cyangwa Meghan nta n’umwe wicuza umwanzuro bafashe wo kujya kubaho ubuzima bwabo hanze y’i bwami.

Abanditsi Omid Scobie na Carolyn Durand mu gice kigize iki gitabo bise per Town & Country ( buri Mujyi na buri Gihugu ) banditse ko bitewe n’ibyo aba bombi bagezeho nyuma yo kwikura mu muryango w’i bwami, ibi byerekana uburyo uyu ari umwanzuro mwiza bafashe wo kwikura ku nshingano z’abagize umuryango w’i bwami, ndetse ko uyu mwanzuro atari mwiza ku muryango wabo gusa ahubwo ni na mwiza ku buzima bwabo busanzwe ndetse uyu mwanzuro bafashe bavuga ko uzagirira akamaro isi yose muri rusange.


Harry na Meghan bavuga ko kwikura ku nshingano z’abagize umuryango w’i bwami bizagirira akamaro isi yose muri rusange.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO