Igitambaro cy’ubu kapiteni giteje impagarara muri Manchester United ndetse kuri ubu Cristiano na Miguire ntibarimo gucana uwaka

Kuri ubu ni ibicika mu rwambariro rw’ikipe ya Manchester United dore ko kuri ubu uru rwambaro rwamaze gucikamo ibice kubera amakimbirane ari hagati ya Cristiano Ronaldo na Harry Maguire ku bijyanye n’igitambaro cy’ugomba kuba kapiteni.

Nyuma y’aho kapiteni wa Manchester United Simon Ashley Young agiriye muri shampiyona y’Ubutaliyani mu ikipe ya Inter-Millan byabaye ngombwa ko umukinnyi Harry Maguire ahita agirwa kapiteni w’iyi kipe nyuma y’aho yari amaze amezi atandatu ageze muri iyi kipe nyuma yo kuva mu ikipe ya Leicester City atanzweho akayabo kangana na Miliyoni 80 z’Ama Pound.

Guhabwa iki gitambaro kuri uyu mugabo bisa nk’aho byamubereye nko kwicarira inkono ishyushye kuko abakunzi ba Manchester United batangiye kumushinza kuba atazi kuyobora bagenzi be ndetse akanagira urwego rw’imikinire ruri hasi.

Byakomeje kugora cyane uyu mukinnyi nyuma y’aho Cristiano Ronaldo agarukiye muri iyi kipe ndetse igitutu cyatangiye kwiyongera kuri uyu mugabo.

Gusa umunyamakuru wa BBC witwa Simon Stone yatangaje ko magingo aya ikipe ya Manchester United yacitsemo ibice bitewe no kutumvikana hagati ya Maguire na Cristiano kubijyanye n’ugomba kuba Kapiteni wa Manchester United muri uyu mwaka mushya w’imikino ugiye kuza.

Nubwo aba bagabo batarimo kumvikana ku bijyanye n’ugomba kuba umutegetsi muri Manchester United gusa nanone hari amakuru avuga ko Ronaldo ashobora no gusohoka muri iyi kipe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO