Igitaramo cya Seka Live cyo muri Werurwe nacyo cyahagaritswe

Igitaramo cya Seka Live cyari giteganyijwe kuba mu mpera z’uku kwezi cyahagaritswe n’abagitegura kubw’ibibazo bya coronavirus, nk’uko babigaragaje mu itangazo ryashyizwe ahagaragara.

Seka Live yari imaze kumenyerwa ko iba ku cyumweru cya nyuma cy’ukwezi, aho itegurwa na Arthur Nation ifatanyije na RG Consult Inc batangaje ko igitaramo cyari giteganyijwe mu mpera z’uku kwezi kitakibaye.

Iri tangazo ryanditswe mu rurimi rw’icyongereza ryagiraga riti: “Ku bagize umuryango wa Seka, twifuzaga kubamenyesha ko Seka Live yo muri Werurwe itazabaho bitewe n’ingamba zihari zo kwirinda Coronavirus (COVID-19).”

Iri tangazo ryongeraho ko kwirinda aribyo byakagombye kuza mbere y’ikindi kintu icyo aricyo cyose, akaba ariyo mpamvu bifatanyije n’igihugu mu gukumira ikwirakwira ry’iyi virus.

Bimwe mu bitaramo byahagaritswe kubera iyi virusi ikomeje kwandura imbaga y’abantu, harimo igitaramo ‘Ikirenga mu Bahanzi’ cyari kubera kuri Camp Kigali , ‘Urakunzwe Album Launch’ ya Igor Mabano yari kubera kuri Serena Hotel ndetse na ‘Each One Reach One’ cyagombaga kubera mu Intare Arena.

Byinshi mu bitaramo bihuza imbaga y’abantu byatangiye guhagarikwa kuva tariki 8 Werurwe 2020, aho umujyi wa Kigali watanze itangazo rihagarika ibitaramo bigera muri bitatu byari kuba kuri uwo munsi mu rwego rwo kwirinda ikwirakwizwa rya Coronavirus.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO