Iki cyumweru Arsenal yiyemeje guca impaka igasinyisha abakinnyi babiri bakomeye
- by
- 20/06/2022 saa 09:46
Ikipe ya Arsenal irateganya gushora amafaranga asaga Miliyoni 70 z’Amapawundi muri iki cyumweru kugirango ibashe kubona umukinnyi Gabriel Jesus ndetse ikaba inifuza myugariro ukomeye mu ikipe ya Ajax aho umutoza Mikel Arteta aba bombi abifuza cyane.
Magingo aya ikipe ya Arsenal yamaze gusinyisha umukinnyi Marquinhos yakuye muri Sao Paulo ndetse n’ikipe ya FC Porto yemeje ko yamaze kumvikana n’iyi kipe yo mu Bwongereza ku mukinnyi wayo Fabio Viera ndetse ngo azishyurwa miliyoni 35 z’amapawundi.
Aba bakinnyi bombi bari munsi y’imyanya 23 ndetse bose umutoza Mikel Arteta avuga ko buhuje ibisabwa bitewe n’intego ze.
Ikinyamakuru Mail dukesha iyi nkuru cyamaze gutangaza ko ikipe ya Arsenal yiteguye gukoresha hafi miliyoni 70 z’amapawundi ku bandi bakinnyi ishakisha barimo Gabriel Jesus wa Manchester City hamwe na myugariro wa Ajax, Lisandro Martinez.
Magingo aya ikipe ya Manchester City ishaka hafi miliyoni 50 z’amapawundi kuri Gabriel Jesus, usigaje umwaka umwe mu masezerano ye, akazemererwa kuva muri iyi kipe muri iyi mpeshyi.
Uyu munya Brazil yatsinze ibitego 95 mu mikino 236yakinnye kuva yinjira muri City kuri miliyoni 31 z’amapawundi avuye muri Palmeiras muri 2017.
Gabriel Jesus yifuza kongera gukorana na Arteta, nubwo ikipe ya Arsenal idashobora kuzakina muri Champions League.
