Ikibumbano cya Cristiano Ronaldo mu Buhinde hari abasanga kitari gikwiye kuhashyirwa

Icyo kibumbano cyashyizwe mu Ntara ya Goa, ahasanzwe habarizwa abakunzi batari bake b’umupira w’amaguru, mu rwego rwo guha imbaraga abakiri bato, n’ubwo atari ko bose bacyishimiye

Iki kibumbano gishya cy’umukinnyi w’umupira w’amaguru, umunya-Portugal Cristiano Ronaldo cyateje impagarara mu Buhinde.

Abakinenga bavuga ko abakinnyi b’umupira w’amaguru bo muri iyo Ntara bari bakwiye kuba ari bo bahabwa icyubahiro by’umwihariko ku bakinnyi bakiniye ikipe y’Igihugu y’u Buhinde, cyane ko abenshi ari abaturuka mu Ntara ya Goa.

Bamwe muri iyo ntara y’u Buhinde babona ko ari igitutsi gushyiraho icyo kibumbano mu gihe harimo kwizihizwa imyaka 60 ishize Intara ya Goa ibonye ubwigenge kuri Portugal.

Cristiano Ronaldo ubu ukinira Manchester United akundwa n’abafana benshi, akaba afatwa cyane nk’umwe mu bakinnyi beza b’ibihe byose.

Uwo mukinnyi w’imyaka 36 ntacyo aratangaza kuri icyo kibumbano. Iyi nkuru ya BBC iravuga ko atari ubwa mbere ikibumbano cye gitera ibibazo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO