Ikipe y’igihugu y’Uburusiya yahagaritse ubujurire yari yatanze muri FIFA ku bihano yafatiwe

Urukiko mpuzamahanga nkemura mpaka muri siporo rwatangaje ko ishyirahamwe ry’umupira w’amaguru mu Burusiya (FUR) ryamaze guhagarika ubujurire ku bihano FIFA yafatiye iki gihugu bijyanye no gukura Uburusiya mu gikombe cy’Isi kigomba kubera muri Qatar uyu mwaka.

Nyuma y’aho Uburusiya bugabye ibitero ku gihugu cya Ukraine kuva kuwa 24 Gashyantare 2022, ibi byatumye ishyirahamwe ry’umupira w’amaguru ku isi (FIFA) hamwe n’ishyirahamwe ry’umupira w’amaguru ku mugabane w’Uburayi (UEFA) izi mpuzamashyirahamwe zombi zicara zemeza ko ikipe y’igihugu y’Uburusiya igomba guhagarika kwitabira amarushanwa atandukanye kugeza aho iki gihugu gihagarikiye intambara.

Mu kwezi gushize kuwa 24 Werurwe nibwo ikipe y’igihugu y’Uburusiya yari gukina n’ikipe y’igihugu ya Pologne mu majonjora yo gushaka itike yo kujya mu gikombe cy’Isi kigomba kubera muri Qatar uyu mwaka gusa FIFA yahisemo ko Pologne izakina n’ikipe izarokoka hagati ya Suede na Repubulika Czech kuko Uburusiya bwari bwaramaze gufatirwa ibihano.

Gusa inkuru dukesha Dail Mail iravuga ko ikipe y’igihugu y’uburusiya yamaze guhagarika ubujurire yari yatanze muri FIFA kuri iki kibazo yifuza ko yagirirwa ikigongwe igahatanira itike yo kwerekeza mu gikombe cy’Isi.

Gusa amashyirahamwe menshi y’umupira w’amaguru mu bihugu bitandukanye yari yamaze kuvuga ko ibihugu byabo bitazemera gukina n’Uburusiya mu gikombe cy’isi nyuma y’amahano iki gihugu kirimo gukorera abaturanyi bacyo ba Ukraine.

_

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO