Ikipe y’igihugu y’abagore muri Cricket y’abatarengeje imyaka 19 yakoze amateka adanzwe mu gikombe cy’isi kirimo kubera muri Afurika y’Epfo

Ku munsi w’ejo ikipe y’igihugu ya Cricket y’abatarengeje imyaka 19 yaraye ikoze amateka akomeye mu gikombe cy’Isi kirimo kubera mu gihugu cya Afurika y’epfo nyuma yo kwisasira ikipe y’igihugu ya West Indies.

Ikipe y’igihugu ya Cricket kuri ubu iri ku mwanya wa 27 ku rutonde rw’ishyirahamwe ry’umukino wa Cricket y’abagore ku isi ndetse yabashije kwisasira West Indies.

Ikipe ya West Indies yabanje kugorana ku gace kambere aho yayoboye umukino ndetse umukobwa wari uhagarariye u Rwanda ariwe Sylvia Usabyimana aza kugorwa no gutsinda ku gace kabanza.

Icyakora abakobwa bahagarariye u rwanda bakomeje kurwana bikomeye ku ishema ryabo nyuma yo gufata icyo kunywa ndetse bakanaruhuka maze bituma bagarukana imbaduko birangira batsinze West Indies.

West indies bahagaze ku mwanya wa 6 ku rutonde rw’ishyirahamwe mpuzamahanga mu mukino wa Cricket y’abagore ntabwo babashije kugera muri kimwe cya kabiri cy’iyi mikino.

Ni ubwa mbere u Rwanda rubashije kugaragara muri iyi mikino y’abatarengeje imyaka 19 mu gikombe cy’Isi cy’abagore.

Ni amateka akomeye cyane bijyanye nibyo u Rwanda rwakoze muri Cricket kuko hashize imyaka mike uyu mukino utangijwe mu Rwanda ndetse Emmanuel byiringiro umuyobozi mukuru wa Cricket mu Rwanda yatangaje ko ari intsinzi itagenewe gusa abakina Cricket ahubwo avuga ko ari intsinzi y’abanyarwanda bose muri rusange.

Cricket yatangijwe bwa Mbere mu Rwanda mu mwaka wa 1999 ndetse nyuma y’imyaka 24 nibwo U Rwanda rutangiye kugenda rutera imbere muri uyu mukino.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.