Ikipe ya APR FC yatakambiye Uwiteka igaragaza imbaraga z’amasengesho biyishoboza gutwara igikombe

Ikipe ya APR FC yagaragaje ikintu gikomeye abenshi batari basanzwe bayiziho nyuma y’uko abenshi batangariye uburyo iyi kipe yari yambaye imipira yanditseho ijambo ry’Imana mu gihe mu minsi ishize yambaraga ibipira yanditseho ijambo Champions.

Iyi kipe yifashishije amagambo yo muri Bibiliya aho bifashishije umurongo ugaragara muri Luka igice cya 1 umurongo wa 37 (Luka 1:37) aho ugira uti "Kuko ari nta jambo Imana ivuga ngo rihere".

Abakunzi benshi b’umupira w’amaguru mu Rwanda bakomeje kwibaza ukuntu ikipe ya APR FC yaba yarahisemo kwiyambaza imbaraga z’amasengesho ndetse bakomeza bavuga ko ibi byose bishobora kwerekana ko iyi kipe itwaye iki gikombe yarahangayitse cyane bijyanye nuko yahanganye bikomeye na Kiyovu Sports.

Mugisha Gilbert watsinze ibitego byanatumye APR FC yegukana igikombe cya shampiyona, yavuze ko aya ari amagambo yatoranyijwe n’itsinda ry’abakinnyi ba APR FC bari mu masengesho.

Ati "ni ijambo twafashe turigira nk’ijambo ry’umunsi nyine. Uyu murongo ni itsinda dusengana, twari twateranye umuntu aduha ijambo nyine tubasha kuba twakora iyi mipira. Ni itsinda ry’abakinnyi ba APR FC."

Ikipe ya APR FC iri mu byishimo byinshi nyuma yo kwegukana igikombe cya 20 cya shampiyona y’U Rwanda gusa iyi kipe ikomeje kunengwa ko inanirwa kurenga umutaru iyo igiye mu marushanwa Nyafurika.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO