Ikipe ya Arsenal igiye kwinyara mu isunzu isinyishe Gabriel Jesus

Nyuma yo kurekura umukinnyi Aubameyang ikipe ya Arsenal ngo yaba igeze kure mu biganiro aho yifuza gusinyisha umukinnyi Gabriel Jesus nawe wamaze kugaragaza ko yifuza kuva mu ikipe ya manchester City nyuma y’aho baguriye umukinnyi Haaland.

Ikinyamakuru kitwa Football.london cyamaze gutangaza ko ikipe ya Arsenal yifuza
bikomeye Gabriel Jesus ndetse ngo bisa naho ibiganiro bigeze kure.

Amakuru aheruka kandi avuga ko nyiri ubwite Gabriel Jesus nawe yafashe umwanzuro wo gusohoka mu ikipe ya Manchester City ku mpamvu zijyanye nuko adahabwa umwanya uhagije wo gukina.

Uyu mukinnyi kandi ngo yamaze gutangariza bagenzi be ko atifuza kuva mu gihugu cy’Ubwongereza ndetse biranavugwa ko uyu mukinnyi nawe ubwe ngo nta yindi kipe yifuza kwerekezamo uretse Arsenal.

Umunyamakuru kandi ukomeye cyane mu gihugu cya Brazil witwa Rodrigo Oliveira yatangarije ikinyamakuru cyitwa Calciomercato ko umukinnyi Gabriel Jesus habura gato ngo asinyire ikipe ya Arsenal, ni mu gihe kandi uyu mukinnyi akomeje kwifuzwa cyane n’andi makipe atandukanye gusa ngo ihabwa amahirwe menshi ni Arsenal y’umutoza Mikel Arteta.

Biravugwa ko ikipe ya Arsenal yaba agiye kugura uyu mukinnyi hagati yamafanga angana na Miliyoni 50 kugeza kuri 60 z’Amayero

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO