Ikipe ya Arsenal yagaritse Manchester United iyibagira ibisiga bituma abakunzi bayo bagereka akaguru ku kandi

Mu mpera z’iki cyumeru mu gihugu cy’u Bwongereza benshi mu bakunzi b’umupira w’amaguru bari bategereje umukino karundura wagombaga guhuza ikipe ya Manchester United na Arsenal aho uyu mukino wakiniwe ku kibuga Emirates Stadium.

Uyu mukino wagiye gukinwa ikipe ya Manchester United ifite akanyamuneza nyuma yo kwirenza ikipe ya Manchester City mu cyumweru cyari cyabanje ndetse Arsenal nayo yari yatsinze ikipe ya Tottenham ndetse byatumaga abakunzi b’amakipe yombi baza kuri uyu mukino biteguye.

Ikipe ya Manchester United yatangiye idakina bishamaje gusa nanone iyi kipe ku munota wa 17 w’umukino yahise ifungura amazamu aho iki gitego cyatsinzwe na rutahizamu Marcos Rashford ndetse nyuma y’iki gitego abakunzi ba Arsenal batangiye kwiheba ariko nanone nyuma y’iminota 8 gusa bahise batsinda igitego cyo kwishura cyatatsinzwe na Eddie Nkentiah.

Igice cya Mbere cy’umukino cyarangiye amakipe yombi anganya igitego 1-1 maze mu gice cya kabiri ikipe ya Arsenal iza ifite amashagaga ihita ibona igitego cya Kabiri cyatsinzwe na Bukayo Saka maze abakunzi ba Arsenal batangira kuririmba.

Ntabwo uyu mukino wari woroshye kuko ikipe ya Manchester United yagarutse nayo ihita itsinda igitego cya Kabiri cyatsinzwe na Lisandro Martinez gusa uko iminota yagendaga Arsenal yakomeje gukina neza ndetse ibi byatumye Arsenal itsinda igitego cya gatatu cyatsinzwe na Eddie Nkentiah maze Arsenal ihita yegukana amanota atatu gutyo.

Kuri ubu Arsenal yahise iyobora urutonde rwa Shampiyona y’u Bwongereza aho ifite amanota 50 kandi igifite umukino w’ikirarane ndetse bamwe mu bakunzi bayo bakomeje gutekereza ko iyi kipe ya Mikel Arteta ishobora kwegukana shampiyona y’u Bwongereza Premier League aho iyi kipe iheruka iki gikombe mu myaka 19 ishize.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO