Ikipe ya Arsenal yifatanyije n’U Rwanda kwibuka ku nshuro ya 28 Jenoside yakorewe Abatutsi muri Mata 1994

Ikipe ya Arsenal binyuze mu bakinnyi bayo bifatanyije n’Abanyarwanda kwibuka ku nshuro ya 28 Jenoside yakorewe Abatutsi muri Mata 1994, aho batangaje ko iterambere U Rwanda rumaze kugeraho rigaragaza ko rutigeze ruheranwa n’agahinda.

Ubutumwa bw’iyi kipe ya Arsenal FC buvuga ko mu myaka 28 ishize U Rwanda rutigeze ruheranwa n’agahinda bijyanye n’amateka mabi rwanyuzemo kubera iterambere rumaze kugeraho.

Abakinnyi batatu ba Arsenal nibo bagaragaye mu mashusho yo kwifatanya n’Abanyarwanda muri ibi bihe byo kwibuka, aba bakinnyi barimo kapiteni w’iyi kipe Alexandre Lacazette, Lob Holding na Eddie Nketiah.

Bagize bati’’ Twifatanyije n’Abanyarwanda mu kwibuka ku nshuro ya 28 Jenoside yakorwe Abatutsi muri Mata 1994 ndetse duhaye agaciro ubuzima bw’abarenga Miliyoni imwe bishwe bazira uko bavutse."

Kuri ubu Arsenal imaze imyaka igera kuri ine ikorana n’U Rwanda aho irwamamariza mu bijyanye n’ubukerarugendo haba ku kibuga cyayo cya Emirates Stadium ndetse no ku myenda abakinnyi b’iyi kipe bambara.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO