Ikipe ya Manchester United tayari miliyoni 70 z’amayero yamaze kuzishyira ku meza aho yifuza Savic wa Razio Roma

Nkuko ibitanagazamakuru bitandukanye byo mu gihugu cy’Ubutaliyani bikomeje kubitangaza ikipe ya Manchester United imaze igihe yegera uyu musore wa Razio de Roma mu ibanga rikomeye aho bifuza kumutangaho miliyoni 70 z’amayero.

uyu mukinnyi ufatwa nk’inkingi ya mwamba mu ikipe ya Razio de Roma mu gihugu cy’Ubutaliyani kuri ubu ikipe ya Manchester United yamaze gutangaza ko imwifuza cyane dore ko iyi kipe ikomeje gushaka kwiyubaka kugirango isubirane ikuzo yahoranye mu mwaka yatambutse igitozwa na Sir Alex Ferguson.

Ikipe ya Machester United iheruka igikombe cya Shampiyona mu myaka 9 ishize dore ko igiheruka ubwo yatozwa na Ferguson nyuma abandi batoza bose banyuze muri iyi kipe bakomeje gushaka igikombe cya Shampiyona gusa byarabananiye.

Kuri ubu ikipe ya Razio Roma ihagaze ku mwanya wa 7 ku rutonde rwa Shampiyona y’Ubutaliyani yitwa Serie A ndetse ibi ntago bishimishije uyu Savic wifuza kwerekeza nibura mu ikipe zishobora kujya muri Champions League.

Nyamara n’ikipe ya Manchester United yifuza kuba yakwerekezamo nayo amahirwe yo kuza muri iri rushanwa aragerwa ku mashyi kuko abantu benshi barimo guha ikipe ya Arsenal ko ariyo ishobora kugaragara muri iri rushanwa kurusha ikipe ya Machester United.

Milinkovic Savic amaze kubanza mu kibuga mu ikipe ya Razio de Roma inshuro 28 muri uyu mwaka w’imikino ndetse yabashije gutsinda ibitego 8 ndetse anatanga imipira 9 yavuyemo ibitego(Assist).

Manchester United irifuza uyu mukinnyi usanzwe akina mu kibuga hagati kugirango aze kuziba icyuho cya Paul Pogba utarimo kwitwara neza ndetse uyu mukinnyi dore ko akomeje kwibasirwa n’imvune.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO