Nyuma yo kwesa imihigo Real Madrid yishimiye igikombe mu buryo budasanzwe

Ikipe ya Real Madrid ifite ibigwi bidasanzwe mu mupira w’amaguru ku Isi, ndetse iyi kipe yaje kuba yegukana igikombe cya 14 cya Champions League mu ijoro ryo kuwa 28 Gicurasi 2022.

Real Madrid bakunze kuyita ’’Los Blancos’’ndetse iyi kipe yahigitse ikipe ya Liverpool aho yaje kuyitsinda igitego 1-0.

Muri uyu mikino abenshi batangajwe n’ubuhanga budasanzwe bwagaragajwe n’umunyezamu w’iyi kipe ukomoka mu gihugu cy’Ububiligi ariwe Bwana Thibaut CourtoisNyuma yo kugenda akuramo imipira yari yabazwe yaterwaga n’abakinnyi b’ikipe ya Liverpool.

Ikipe ya Liverpool yakomeje kotsa bikomeye igitutu izamu rya Real Madrid ariko uyu munyezamu ukomoka mu gihugu cy’Ububiligi akomeza kuba ibamba.

Ikipe ya Real Madriid yaje kubona igitego cyatsinzwe n’umukinnyi ukiri muto ariwe Vinicius Junior aho iki gitego cyaje mu gice cya kabiri cy’umukino.

Umutoza Carlo Ancelotti yaciye agahigo gakomeye nyuma yo gutwara iki gikombe dore ko kuri ubu uyu musaza yaherukaga guhesha Real Madrid iki gikombe mu mwaka wa 2014, gusa nyuma yaje gusimburwa n’umutoza Zinedine Zidane nawe waje gutwarana n’iyi kipe ibikombe bigera kuri bitatu bya Champions League.


Ikipe ya Real Madrid yasesekaye I Madrid Ku cyumweru mu rukerera ndetse iyi kipe yaje kwereka abakunzi bayo iki gikombe ku cyumweru ku manywa y’ihangu aho bagikuye I Bernabéu berekeza I Cibeles.

Hirya no hino mu gace ka Cibeles hari ibitambaro n’ibyapa byanditseho amagambo agira ati: "¡ Gracias madridistas!" na “Ch14mpion”.

Nyuma yo kuva mu modoka abakinnyi ba Real Madrid bishimanye bikomeye n’abafana b’iyi kipe aho babashimiye uruhare rukomeye babagaragarije ndetse bababwira ko aribyo byatumye beguka iki gikombe ku nshuro ya 14.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO