Manchester United yatangiye gukora iperereza ku bafana bayo bateye umutoza Diego Simeon amacupa

Ubuyobozi bw’ikipe ya Manchester United bukomeje gusuzuma CCTV Camera kugirango bitegereze neza uburyo abafana b’iyi kipe bateye amacupa umutoza wa Atletico Madrid nyuma yaho ikipe ya Manchester United yari imaze gusezererwa na Atletico Madrid mu ijoro ryacyeye.

Ikipe ya Manchester United ikomeje gusuzuma CCTV Camera zo ku kibuga cya Old Trafford kugirango barebe neza abafana bateye amacupa umutoza Diego Simeon mu ijoro ryo kuri uyu wa kabiri.

Umutoza Diego Simeon avuga ko yatewe amacupa n’ibindi bintu bitandukanye akagerageza guhunga abafana b’iyi kipe bari barakajwe cyane n’uburyo ikipe yabo yitwaye nabi ubwo yari imaze gutsindwa igitego 1-0 na Atletico Madrid, mu irushanwa riruta ayandi ku mugabane w’I Burayi rizwi nka Champions League.

Ikipe y’amashitani atukura nkuko bakunda kuyita yatangaje ko ikomeje gusesengura amashusho yose yafatiwe ku kibuga cya Old Trafford ndetse nihaboneka abagize uruhare muri iki gikorwa cy’urugomo abafana babikoze bagomba guhita bahagarikwa kuza ku kibuga cya Old Trafford mu gihe kingana n’imyaka itatu batahakandagira.

Diego Simeon we yakomeje asuhuza abatoza b’ikipe ya Mannchester United nubwo bwose yari atorohewe n’abafana b’iyi kipe gusa nyuma yatangajeko nawe atiyumvisha ubunyamanswa bw’abafana b’iyi kipe.

Umutoza Simeon yakomeje atangaza ko kuba yirukanse ngo ari uko yari yishimye cyane kuko yari amaze kubona intsinzi kandi ikomeye, gusa uwahoze ari umukinnyi wa Tottenham Jamie O’Hara we yatangaje ko ibyakozwe n’abafana b’iyi kipe ngo ari bibi kuburyo ngo bakwiye kwigaya.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO