Ikipe zihagarariye U Rwanda zagowe n’umunsi wa mbere muri Shampiyona ya Afurika mu mukino w’amagare

Ku munsi wa mbere muri iyi shampiyona ya Afurika mu mukino wo gusiganwa ku magare nta kipe n’imwe ituruka mu Rwanda yabashije kwegukana igihembo na kimwe.

Ku munsi w’ejo kuwa Gatatu taliki ya 23 Werurwe 2022 I Sharm El Sheik mu gihugu cya Misiri nibwo hatangiye shampiyona ya Afurika mu magare aho yaje kuba yitabirwa n’abakinnyi b’Abanyarwanda batandukanye haba mu bagabo ndetse n’abagore.

Ku munsi wa mbere hakinnye buri kipe Isiganwa ku giti cyayo (Team Time Trial)aho amakipe yombi haba mu bagabo ndetse n’abagore amakipe yombi yaje ku mwanya wa kane bituma U Rwanda nta gihembo na kimwe rwegukana.

Mu bagabo ikipe y’U Rwanda yaje ku mwanya wa kane inyuma ya Eritrea yaje ku mwanya wa mbere, Afurika y’epfo yaje ku mwanya wa kabiri naho Algeriya iza ku mwanya wa gatatu.

Mu bagore naho U Rwanda rwaje ku mwanya wa kane inyuma ya Eritrea, Mauritius na Misiri yaje ku mwanya wa gatatu.

Kuri uyu munsi iri rushanwa rigomba gukomeza aho barakina umuntu ku giti cye (Individual Time Trial) ku ngimbi n’abangavu hamwe n’abakuru muri rusange.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO